Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

Angka halak na maragama porsea, tongtong do mangolu tondi ni halak naung mate

 SIULASON NI MAJALAH ON | AHA DO NA MASA TU HALAK NAUNG MATE?

Sungkunsungkun na So Taralusi Dope

Sungkunsungkun na So Taralusi Dope

MARRAGAM do pangantusion ni halak taringot tu hangoluan dohot hamatean. Pigapiga mandok dung marujung ngolu hita, tongtong do mangolu tondinta jala pinda tu inganan na asing. Adong muse na porsea, mangolu do muse hita mardaging na asing. Alai adong na mandok, hamatean i ma ujung ni sasudena.

Ra, pangantusionmuna taringot on marojahan sian na diajarhon tu hamu sian na gelleng. Alai ala marragam do pandapot ni halak taringot aha na masa dung mate hita, adong do hatorangan na sintong jala boi tahaporseai?

Saleleng marratus taon, nunga diajarhon angka pamimpin agama taringot tu tondi ni jolma na so boi mate. Angka halak na mangihuthon agama songon Kristen, Hindu, Jahudi, Muslim, manang na asing, porsea na adong do sian dirinta na tongtong mangolu jala pinda tu inganan na asing. Halak Buddha porsea, molo dung pigapiga hali ditubuhon, gabe marlas ni roha situtu ma tondi i, i ma na digoari Nirwana.

Ala marragam do parbinotoan taringot i, torop halak di liat portibi on porsea molo hamatean i gabe dalan tu hangoluan na asing sian portibi on. Jala godang muse na porsea, hamatean i sada sian sangkap ni Debata jala na ingkon masa di parngoluonnasida. Alai, aha do didok Bibel taringot i? Songgot do ra rohamu mambege alusna.