Pintor tu konten

Pintor tu menu namangihut

Pintor tu daftar isi

Sitindangi Ni Jahowa

Batak (Toba)

Joujou Paboahon  |  No. 4 2016

Diboto Hamu do?

Diboto Hamu do?

Songon dia do Jesus maradophon halak na hona kusta?

Najolo, magigi do halak Jahudi jonok tu halak na hona kusta. Hansit do dihilala halak na hona kusta ala boi mambahen busisaon, baroon, jala cacat saleleng ngoluna. Ndang adong na boi pamalumhon nasida. Pulik do dibahen ingananna, jala ingkon gogo do soarana mandok na ramun do dirina.3 Musa 13:45, 46.

Dibahen pemimpin ni agama Jahudi do uhum na manusai halak na hona kusta. Umpamana, nasida ingkon mandao sian halak na hona kusta, ndang boi hurang sian dua meter. Alai molo mangullus alogo, mandao ma unang hurang sian 45 meter. Pigapiga buku Talmud mandok, halak na hona kusta ingkon tading ”di luar perkemahan”, lapatanna nasida ingkon dipakaluar sian huta. Dilempari angka pemimpin ni agama do halak na hona kusta, jala didok, ”Laho ho tu ingananmu asa unang hona sahitmi tu hami.”

Alai, manjonok do Jesus tu nasida! Ndang ditundalhon ibana nasida, alai dijama do jala dipamalum.Mateus 8:3.

Aha do alana umbahen diloas pemimpin ni agama Jahudi parsirangan?

Surat Sirang sian taon 71/72 M

Di abad na parjolo, jotjot do diparsoalhon pemimpin ni agama Jahudi taringot parsirangan. Di sada tingki, ro ma halak Parise mangunjuni Jesus, didok ma, ”Beha, na jadi do sirangkonon ni baoa jolmana, asal adong alana?”Mateus 19:3.

Di patik ni si Musa, diloas do baoa manirangkon dongan saripena molo ”diboto ibana haroaon ni boruboru i”. (5 Musa 24:1, Bibel siganup ari) Tingki Jesus di tano on, adong dua singkola agama na maralo pandapotna taringot uhum i. Singkola na dumenggan, i ma Shammai mandok, boi do marsirang molo adong na mangulahon parmainanon. Alai singkola na asing, i ma The School of Hillel mandok, boi do sirangkonon ni baoa dongan saripena asal ma adong alana, songon alani mangalehon sipanganon na basi manang ala jumpangna borua na umbagak.

Alai, aha do alus ni Jesus tu halak Parise i? Tangkas do didok Jesus, ”Pangalangkup do nasa na paulakkon jolmana, dung i dioli na asing, anggo so ala hata parmainanon.”Mateus 19:6, 9.