Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

Ise do Debata?

Ise do Debata?

Godang do halak na porsea adong Debata. Alai molo disungkun ise do Debata i, marasing-asing do pandapot ni nasida. Adong na mandok, Debata i panguhum na kejam do. Molo sala hita, pintor diuhum do. Na asing mandok, parholong do Debata. Molo taulahon pe na sala, sai disesa do dosanta. Adong muse na mandok, molo Debata i ndang parduli tu jolma. Ala marasing-asing do pandapot ni halak taringot Debata, godang do na mandok ndang mungkin boi tatanda Debata.

Ringkot do mananda Debata? I do. Molo tatanda Debata, gabe lam martujuan ma ngolunta. (Ulaon ni Apostel 17:26-28) Molo jonok hita tu Debata, dihaholongi Ibana ma hita jala diurupi. (Jakobus 4:8) Jala na rumingkot molo tatanda Debata, boi ma hita mangolu saleleng-lelengna.​—Johannes 17:3.

Songon dia do carana mananda Debata? Ra adong do sasahalak na solhot tu hamu. Hira-hira boasa boi gabe solhot hamu tu ibana? Pasti ala nunga diboto hamu ise goarna, songon dia parangena, aha na dihalomohon ibana jala na so dihalomohon. Jala muse, nunga diboto hamu aha naung diulahon ibana jala aha do na naeng diulahon. Ala nunga diboto hamu i sude, gabe lam solhot ma hamu tu ibana.

Dos songon i ma, molo naeng tatanda Debata porlu do taboto:

Di majalah on, dipaboa ma alusna sian Bibel. Diurupi ma hita lam mananda Debata. Jala ndang holan i. Gabe taboto ma aha do labana molo marale-ale tu Debata.