Pintor tu konten

Pintor tu menu namangihut

Pintor tu daftar isi

Sitindangi Ni Jahowa

Batak (Toba)

Joujou Paboahon  |  No. 1 2017

 SIULASON NI MAJALAH ON | ASA TADAPOT LABA SIAN MANJAHA BIBEL

Songon dia Asa Marlaba Bibel tu Parngoluonku?

Songon dia Asa Marlaba Bibel tu Parngoluonku?

Sumurung do Bibel, ala podana sian Panompanta. (2 Timoteus 3:16) Mangkorhon do i tu saluhut parngoluonta. Bibel mandok, ”Marngolu do hata ni Debata jala marpangkorhon.” (Heber 4:12) Hata ni Debata boi mambahen lam denggan parngoluonta marhite manogunogu hita ganup ari jala mangurupi hita mananda Debata dohot bagabagaNa.1 Timoteus 4:8; Jakobus 4:8.

Lam denggan parngoluonta saonari. Poda na sian Bibel boi mangurupi hita tingki mangulahon ulaon na mangihut.

  •   Maradophon dongan.Epesus 4:31, 32; 5:22, 25, 28, 33.

  • Kesehatan.Psalmen 37:8; Poda 17:22.

  • Marpangalaho na denggan.1 Korint 6:9, 10.

  • Mangatur parhepengon.Poda 10:4; 28:19; Epesus 4:28. *

Marlaba situtu do poda na sian Bibel. Umpamana tu na baru marhasohotan na tading di Asia. Ala baru marhasohotan, maol do dihilala nasida mardos ni roha. Alai, dung diulahon nasida poda na sian Bibel, tungganedolina i ma si Vicent mandok, ”Dung hujaha Bibel, gabe lambok ma rohangku tingki pasaehon parsalisian. Gabe martua ma hami saonari ala mangulahon hata ni Debata.” Tungganeboruna, i ma si Annalou mandok, ”Angka sitiruon na adong di Bibel godang mangurupi ahu. Gabe denggan ma parsaripeonnami jala martujuan ma ngolunami.”

Lam mananda Debata. Asing ni marlaba tu parsaripeonna, didok si Vicent muse, ”Dung manjaha Bibel, gabe lam solhot ma ahu saonari tu Debata Jahowa.” I ma na rumingkot na boi tadapot sian manjaha Bibel—lam mananda Debata. Ndang holan poda na denggan na tadapot sian Bibel, alai boi do hita gabe maraleale tu Ibana. Dipaboa Ibana do tangkas taringot ”ngolu na tutu”, i ma hangoluan na dumenggan di ari na naeng ro. (1 Timoteus 6:19) Holan di Bibel do boi tadapot hatorangan sisongon on.

Molo tongtong tajaha Bibel, boi ma tadapot sude labana. Lam denggan ma parngoluonta jala lam tatanda ma Debata. Alai, olo do ra adong sungkunsungkun tingki hita manjaha Bibel. Tatiru ma songon sahalak parpangkat sian Etiopia na mangolu 2000 taon naung salpu. Godang do sungkunsungkunna taringot Bibel. Tingki disungkun tu ibana taringot na dijaha ibana, didok ma ”Sian dia ma boi huantusi i, anggo so adong na patorangkon tu ahu?” * Pintor dijalo ibana ma pangurupion sian sahalak sisean ni Jesus i ma si Pilippus. (Ulaon ni Apostel 8:30, 31, 34, Bibel siganup ari.) Molo lomo rohamuna mandapot gumodang hatorangan taringot Bibel, isi ma formulir di situs www.jw.org/bbc manang lului ma alamat na jumonok tu hamu na adong di majalah on. Boi do hamu mangkatai dohot Sitindangi Ni Jahowa manang lului ma Bale Harajaon di luatmuna. Olo do hamu manjaha Bibel jala mangulahon podana di parngoluonmuna?

Molo sungkunsungkun rohamuna na boi do tahaporseai Bibel manang ndang, ida ma video, Songon dia do Hita Boi Porsea na Sintong Isi ni Bibel? Patongon ma tu tanda manang ida ma jw.org/bbc.

^ par. 8 Laho mangida gumodang hatorangan taringot poda na sian Bibel, ida ma situsnami jw.org/bbc di bagian BUKU.

^ par. 11 Ida ma muse hatorangan di majalah on na marjudul ”Na Sala Mangantusi do Halak Taringot Isi ni Bibel?