Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 HANGOLUAN NI HALAK KRISTEN

Lam Tu Dengganna Marbarita—Mamangke Sungkunsungkun na Boi Mandodo Roha

Lam Tu Dengganna Marbarita—Mamangke Sungkunsungkun na Boi Mandodo Roha

BOASA RINGKOT: Sangkap ni roha ni halak dipatudos songon “aek na bagas”. Jadi, sungkunsungkun dos do songon timba na mambuat isina. (Poda 20:5) Sungkunsungkun boi mangurupi hita mangantusi roha ni halak na manangihon hita. Alus ni sungkunsungkun na denggan boi mangonjar roha ni nasida asa paboahon na di rohana. Mansai denggan do Jesus tingki mamangke sungkunsungkun. Songon dia caranta maniru ibana?

CARA MANGULAHON I:

  • Pangke ma sungkunsungkun asa mamboto songon dia pandapotna. Dibahen Jesus do pigapiga sungkunsungkun na boi mangonjar roha ni halak asa paboahon pandapotna. (Mat 16:13-16; be-IN 238 ¶4-6) Sungkunsungkun aha do na boi tabahen?

  • Bahen ma sungkunsungkun asa mangurupi halak mambahen kesimpulan. Tingki pasingothon si Petrus, dibahen Jesus do sungkunsungkun, jala dilehon do alusna laho mangurupi si Petrus mambahen kesimpulan na denggan. (Mat 17:24-26) Sungkunsungkun aha do na boi tabahen laho mangurupi halak mambahen kesimpulan na denggan?

  • Puji ma halak. Tingki sahalak panurat mangalehon alus na marbisuk, dipuji Jesus do ibana. (Mrk 12:34) Songon dia hamu mamuji sasahalak naung mangalehon alus tu sungkunsungkunmuna?

TONTON MA BAGIAN NA PARJOLO SIAN VIDEO IHUTHON MA SONGON NA DIULAHON JESUS—MANGAJARI, DUNG I ALUSI MA SUNGKUNSUNGKUN NA MANGIHUT:

  • Boasa on ndang gabe sitiruon na denggan, nang pe tutu do barita na dipasahat?

  • Boasa ndang holan patorangkon barita i hita?

TONTON MA BAGIAN NA PADUAHON SIAN VIDEO I, DUNG I ALUSI MA SUNGKUNSUNGKUN NA MANGIHUT:

  • Songon dia donganta i mamangke sungkunsungkun na mandodo roha?

  • Angka aha do na boi tatiru sian ibana?

Aha do pangkorhon ni caranta mangajar tu halak na asing? (Luk 24:32)