Sitiruon do haradeon ni si Jesaya. Marhaposan tu Jahowa do ibana jala hatop mangoloi nang pe ndang tangkas dope diboto ibana ulaon i. (Jes 6:8) Olo do hamu maniru si Jesaya asa boi marbarita tu luat na mangkaporluhon gumodang parbarita? (Ps 110:3) Tontu ringkot do ’mangetongi sipalahoon’ andorang so pinda. (Luk 14:27, 28) Alai ingkon rade do hita mangalehon diri asa boi mangulahon i. (Mat 8:20; Mrk 10:28-30) Songon na taida di video Pinda tu Luat na Mangkaporluhon Gumodang Parbarita, gumodang do pasupasu na boi tadapot sian na naung talehon tu Jahowa.

DUNG MANONTON VIDEO, ALUSI MA SUNGKUNSUNGKUN ON:

  • Songon dia do keluarga ni si William paradehon diri asa boi pinda tu Ekuador?

  • Angka aha do na dipingkirhon nasida tingki mamillit luat na laho siurupanna?

  • Pasupasu aha do na didapot nasida?

  • Sian dia do boi dapotmuna hatorangan taringot luat na mangkaporluhon gumodang parbarita?

DI PANOMBAON NA SASARIPE, ULAS HAMU MA SUNGKUNSUNGKUN ON:

  • Songon dia do keluarganta boi mangalehon gumodang tingki laho marbarita? (km-IN 8/11 4-6)

  • Molo ndang boi hita pinda tu luat na mangkaporluhon parbarita, aha do na boi taulahon laho mangurupi di hurianta? (w16.03 23-25)