Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 HANGOLUAN NI HALAK KRISTEN

Marsaor ma tu Angka Halak na Mangkaholongi Jahowa

Marsaor ma tu Angka Halak na Mangkaholongi Jahowa

Boasa ingkon marsaor hita tu angka halak na mangkaholongi Jahowa? Alana, gabe burju do hita molo tadongani angka halak na burju. (Poda 13:20) Umpamana Raja Joas. Ala marsaor ibana tu Sintua ni Malim Joiada, “lomo ni roha ni Jahowa” do diulahon ibana. (2Kron 24:2) Alai dung mate malim Joiada, gabe ditadingkon ibana do Jahowa, ala marsaor ibana tu angka halak na so manomba Jahowa.​—2Kron 24:17-19.

Di abad na parjolo, dipatudos si Paulus do huria Kristen songon “jabu na balga”. Angka ruasna dos songon “barang-barang” na di jabu i. Songon “barang na dipangke tu na sangap” ma hita molo ndang marsaor tu halak na mambahen sogo roha ni Jahowa, umpamana keluarganta manang donganta di huria. (2Tim 2:20, 21) Jadi, tu angka halak na mangkaholongi Jahowa ma hita marsaor jala na mangurupi hita asa tongtong manomba Ibana.

TONTON MA VIDEO PASIDING MA PARSAORAN NA ROA, DUNG I ALUSI MA SUNGKUN-SUNGKUN ON:

  • Aha do na mambahen gabe marsaor hita tu halak na so denggan?

  • Di video i, songon dia tolu donganta boi pasidingkon parsaoran na roa?

  • Prinsip Bibel na dia do na boi mangurupi hita asa marbisuk mamillit dongan?

Gabe “barang na dipangke tu na sangap” do ahu saleleng on?​—2Tim 2:21