Sian parnidaan ni si Hesekiel taringot joro, taboto ma na lehonon ni naposo ni Jahowa do pelean sian na nionjar ni rohana be. Songon dia do hita boi mangalehon pelean pujipujian?​—Heb 13:15, 16.

Sada cara na dumenggan i ma merintis ekstra. Di taon dinas 2018 adong do pigapiga bulan na lima hali ari Sabtu manang ari Minggu. Denggan do on tu angka dongan na karejo sian ari Senin sahat tu ari Jumat, jala boi marbarita holan di ari Sabtu manang Minggu. Tarlumobi ala boi do nasida mamillit jam dinas laho merintis ekstra gabe 30 manang 50 jom di bulan Maret, April dohot di bulan tingki ro sintua wilayah.

Songon dia do molo ndang boi hita merintis ekstra? Marsitutu ma asa lam tu dengganna caranta marbarita jala asa gumodang tingkinta marbarita. Songon dia pe situasinta, holongta tu Jahowa boi mambahen hita mangalehon na dumenggan tu Ibana saleleng taon dinas 2018!​—Hos 14:3.

Songon dia do ahu boi maniru hiras ni roha ni si Sabina Hernández?

TONTON MA VIDEO GODANG DO NA BOI HUULAHON ALA PANGURUPION NI JAHOWA, JALA ALUSI MA SUNGKUNSUNGKUN NA MANGIHUT:

  • Aha do na mangonjar roha ni si Sabina mangalehon gumodang tingki tu Jahowa?

  • Songon dia do pengalaman ni si Sabina patoguhon hamu?

  • Di taon dinas 2018, di bulan piga do hamu boi merintis ekstra?