Torop do halak di tingki ni si Noak mangulahon angka na jahat. 1 Musa 6:5

Marpinompari si Adam dohot si Hawa, gabe gok ma halak di tano on. Dung i lam torop surusuruan mangihuthon Sibolis.

Tuat ma nasida tu tano on jala manuman baoa asa boi diririt angka borua. Dipantubuhon angka borua i ma angka baoa na garang, na mansai gogo.

Gok ma tano on dohot angka halak na mambahen na jahat. Bibel mandok, ”Nunga lam deak hajahaton ni jolma di tano on, jala sai na jahat na ma sude tubutubu dohot pingkiran ni roha nasida ganup ari.”

 Ditangihon si Noak do Debata jala dipauli sada parau. 1 Musa 6:13, 14, 18, 19, 22

Halak na burju do anggo si Noak. Jala dipaboa Jahowa tu ibana na laho ripashononna angka parjahat marhite aek na Sumar, manang aek na bolon.

Dijou Debata do si Noak asa dipauli parau na bolon, jala ditogihon ripena bongot tu parau i songon i sude nasa pinahan.

Dipaingot si Noak do angka halak taringot haroro ni aek na Sumar i, alai ndang ditangihon nasida ibana. Direhei jala dihosomi na deba do ibana.

Dung sidung parau i, diboan si Noak ma masuk angka pinahan i.