Pintor tu konten

Pintor tu menu namangihut

Sitindangi Ni Jahowa

Batak (Toba)

Boi do Salpu Parungkilon On?

Boi do Salpu Parungkilon On?

Boha alus muna?

  • Ndang boi.

  • Ndang binoto.

  • Boi.

 SONGON ON MA HATA NI BIBEL

”Jadi apusan ni Debata ma nasa iluilu nasida sian matanasida, ndang adong be hamatean nang arsak ni roha; nang angguhangguk, nang na hansit, dang disi be.”Pangungkapon 21:3, 4, Bibel.

LAPATAN NI I TU HITA

Taboto ndang Debata na mangunjuni hita.Jakobus 1:13.

Tarapul roha ala diantusi Debata do rohanta.Sakaria 2:12.

Marpangkirimon na ingkon salpu do sude sitaonon.Psalmen 37:9-11.

 BOI DO TA PARHATUTU HATA NI BIBEL?

Boi. Adong dua alana:

  • Dihasogohon Debata do sitaonon dohot hageduhon. Ida ma songon dia panghilalaan ni Debata Jahowa tingki bangsoNa na jolo dipasiaksiak. Bibel mandok marsak rohaNa mamereng ”angguhangguk nasida maradophon angka na mangarupa dohot na manosak nasida”.Panguhum 2:18.

    Dihasogohon Debata do halak na manusai donganna. Umpamana, Bibel mandok, ”Dihagigihon Jahowa . . . tangan angka na mandurushon mudar na so marpipot.”Poda Sian Raja Salomo 6:16, 17.

  • Disarihon Debata do hita sude. Dipangido Jahowa do hita asa tapasahat parsorionta tu Ibana, ”Ai disarihon do hamu!”1 Petrus 5:7.

    Marhite harajaonNa, siaphonon ni Jahowa do sitaonon sian ganup jolma marsadasada. (Mateus 6:9, 10) Saonari pe diapuli Ibana do jolma na marbulus ni roha mangalului Ibana.Ulaon ni Apostel 17:27; 2 Korint 1:3, 4.

 RIMANGI MA

Boasa dipaloas Debata hasusaan?

Dialusi Bibel ma sungkunsungkun on di ROM 5:12 dohot 2 PETRUS 3:9.