Pintor tu konten

Pintor tu menu namangihut

Sitindangi Ni Jahowa

Batak (Toba)

Aha do Harajaon ni Debata I?

Aha do Harajaon ni Debata I?

Ninna roha muna . . .

  • sada inganan di surgo?

  • adong di bagasan roha?

  • pamarentaon sian surgo?

 SONGON ON MA HATA NI BIBEL

”Padirion ni Debata, na di surgo i, sada harajaon na so tarpapatu ro di salelenglelengna.”Daniel 2:44, Bibel.

”Ai nunga tubu di hita sada posoposo dilehon tu hita sada Anak, pampe tu abarana do sogot harajaon.”Jesaya 9:5, Bibel.

LAPATAN NI I TU HITA

  • Boi tahilala hadameon di ngolunta ala ni pamarentaon na tigor jala tarparhatutu.Jesaya 48:17, 18.

  • Boi hita manghilala hahipason dohot las ni roha di tano na imbaru na naeng ro.Pangungkapon 21:3, 4.

 BOI DO TA PARHATUTU HATA NI BIBEL?

Boi. Adong dua alana:

  • Nunga dipatudu Jesus aha na tolap bahenon ni Harajaon ni Debata. Ibana mangajarhon tu angka siseanna laho martangiang asa ro Harajaon ni Debata jala asa saut lomo ni rohaNa di tano on. (Mateus 6:9, 10) Jesus patuduhon molo tangiang i ingkon pasautonNa.

    Tingki di tano on, Jesus mangalehon mangan angka na male, pamalumhon na marsahit, jala pahehehon na mate! (Mateus 15:29-38; Johannes 11:38-44) On patuduhon tu joloan ni ari on, molo Jesus mamarenta gabe Raja ni Harajaon ni Debata, bahenonna ma ulaon na umbalga tu angka pangisi ni tano on.Pangungkapon 11:15.

  • Na masa saonari on patuduhon na laho ro nama Harajaon ni Debata. Jesus paboahon andorang so diparo harajaon i hadameon tu tano on, masa ma porang, haleon, lalo marluatluat.Mateus 24:3, 7.

    Ima tutu na taida saonari on. Alani i, boi pos rohanta na ingkon pasohoton ni Harajaon ni Debata ma hasusaan i sude.

 RIMANGI MA

Aha na laho sihilalaon ni pangisi ni Harajaon ni Debata?

Dialusi Bibel ma sungkunsungkun on di PSALMEN 37:29 dohot JESAYA 65:21-23.