Pintor tu konten

Sitindangi Ni Jahowa

Pillit Hata Batak (Toba)

Bibel, Aha do I?

Bibel, Aha do I?

Ninna roha muna . . .

  • Hata ni Debata?

  • ndang Badia be?

  • turiturian?

 SONGON ON MA HATA NI BIBEL

”Ai nasa surat i, sinihathon ni Debata do.”—2 Timoteus 3:16, Bibel.

LAPATAN NI I TU HITA

Tangkas mangalusi sungkunsungkun na ringkot di ngolu on.—Poda Sian Raja Salomo 2:1-5.

Sulu-sulu diparngoluon.—Psalmen 119:105.

Marpangkirimon tu ari na naeng ro.—Rom 15:4.

 BOI DO TA PARHATUTU HATA NI BIBEL?

Boi. Adong tolu alana:

  • Domu do saluhut isi na. Bibel on disurat 40 halak saleleng 1.600 taon. Godang sian nasida ndang marsitandaan. Alai, aha na di surat nasida sada pandapot, ima pingkiran ni Debata.

  • Barita na, tigor. Angka panuturi jotjot manabunihon hataluan ni bangsona. Alai, na manurathon Bibel on, tangkas do dipaboa hagaleon nasida dohot sala ni bangsona.—2 Kronika 36:15, 16; Psalmen 51:2-6.

  • Surirangna boi dihaporseai. 200 taon andorang so dilengsehon harajaon bangso Babilon nunga dipaboa Bibel hian. (Jesaya 13:17-22) Dohot goar ni na pataluhon i pe disurat!—Jesaya 45:1-3.

Godang na disurirangkon Bibel gabe manjadi, ndang adong na so di gohi. Ndada i patuduhon molo Bibel Hata ni Debata?2 Petrus 1:21.

 RIMANGI MA

Songondia do Hata ni Debata boi mambahen denggan ngolu muna?

Dialusi Bibel ma sungkunsungkun on di JESAYA 48:17, 18 dohot 2 TIMOTEUS 3:16, 17.