Pintor tu konten

Pintor tu menu namangihut

Sitindangi Ni Jahowa

Batak (Toba)

Boha do Pandapotmuna Taringot tu Ari Sogot?

Boha do Pandapotmuna Taringot tu Ari Sogot?

Portibion nalaho . . .

  • songonon sambing?

  • lam susa?

  • lam denggan?

 SONGON ON MA HATA NI BIBEL

”Jadi apusan ni Debata ma nasa iluilunasida sian mata nasida, ndang adong be hamatean nang arsak ni roha, nang anggukhangguk, nang na hansit, ndang disi be ai nunga salpu na parjolo i.”Pangungkapon 21:3, 4, Bibel.

LAPATAN NI I TU HITA

Mangula ulaon na pasonanghon roha.Jesaya 65:21-23.

Ndang adong be sahit manang sitaonon.Jesaya 25:8; 33:24.

Mandapot hangoluan na so rasuda raphon na nihaholongan.Psalmen 37:11, 29.

 BOI DO TA PARHATUTU HATA NI BIBEL?

Boi. Adong dua alana:

  • Tarpatupa Debata do baga-bagana i. Dibagasan Bibel, holan Debata Jahowa do di dokhon ”Pargogo Naso Hatudosan”, alana huasona ndang tardodo. (Pangungkapon 15:3) Jadi, margogo do ibana laho patupahon baga-bagana laho paturehon portibion tu lam dengganna. ninna bibel, ”Alai anggo Debata, saluhut do tarpatupasa.”Mateus 19:26.

  • Giot do roha ni Debata laho patupahon baga-baganai. Umpamana, sihol do roha ni Jahowa laho pangoluhon angka naung mate.Job 14:14, 15.

    Di dok bibel do Jesus pamalumhon namarsahit. Boasa di ulahon ibana i? Ala na olo do ibana. (Markus 1:40, 41) Songon Debata, lomo situtu roha ni Jesus mangurupi na hahurangan.Johannes 5:19.

    Pos do rohanta molo Jahowa songoni nang Jesus manghalomohon asa hita boi manghilala hasonangan so hariboriboan di ari nanaeng ro!Psalmen 72:12-14; 145:16; 2 Petrus 3:9.

 RIMANGI MA

Songon dia do bahenon ni Debata laho paturehon portibion?

Dialusi Bibel ma sungkunsungkun on di MATEUS 6:9, 10 dohot DANIEL 2:44.