Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 PARSIAJARAN 7

Menara Babel

Menara Babel

Dung Aek na Sumar, lam godang ma angka pahompu ni si Noak. Songon na didok Jahowa, maringanan ma nasida di piga-piga inganan di liat portibi on.

Alai adong do keluargana na so mangoloi Jahowa. Didok nasida, ‘Beta ma tabahen sada kota jala disi ma hita tading. Tabahen ma menara na timbo sahat tu langit. Asa terkenal hita.’

 Ndang lomo roha ni Jahowa tu halak sisongon i. Alani i, disundati Jahowa ma rencana ni nasida i. Diboto ho do songon dia dibahen Jahowa? Dibahen Jahowa ma gabe marasing-asing bahasa ni nasida. Alani i ndang marsiantusan be nasida. Sundat ma karejo i. Digoari ma kota na dibahen nasida i Babel, lapatanna ‘Sursar’. Dung i, laho ma nasida tu angka inganan di liat portibi on. Alai, tudia pe nasida laho sai diulahon nasida do na jahat. Adong dope halak na mangkaholongi Jahowa? Taida ma di parsiajaran na mangihut.

“Ai dihasogohon Debata do ginjang ni roha, alai dipatuduhon Ibana do asi ni rohana na mansai balga i tu halak na serep marroha.”​—Jakobus 4:6