Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 PARSIAJARAN 101

Diboan ma Si Paulus tu Rom

Diboan ma Si Paulus tu Rom

Di ujung pardalanan ni si Paulus na patolu halihon, sahat ma ibana di Jerusalem. Disi dipenjara ma ibana. Di sada borngin, dapot penglihatan ma ibana. Didok Jesus ma tu ibana, ‘Laho nama ho tu Rom jala marbarita ma ho disi.’ Dung i diboan ma si Paulus sian Jerusalem tu Kaesarea, dipenjarahon ma ibana disi saleleng dua taon. Tingki diadili Gubernur Festus ibana, didok si Paulus ma, ‘Kesar ni Rom ma mengadili ahu.’ Didok si Festus ma, ‘Ala dipangido ho Kesar ni Rom mengadili ho, tusi ma ho laho.’ Ujungna, diboan ma si Paulus markapal tu Rom rap dohot si Lukas dohot si Aristarkus.

Tingki di kapal, ro ma badai. Dirimpu angka na di kapal i ma na laho mate nama nasida. Alai didok si Paulus ma, ‘Nunga didok suru-suruan tu ahu, “Unang ho mabiar Paulus. Ingkon jongjong do ho di jolo ni Kesar. Alani asi ni roha ni Debata tu ho, malua do sude donganmu na sakapal i.” Jadi unang mabiar hamu! Ndang mate hita.’

Saleleng 14 ari ma ro badai. Dung i, diida nasida ma adong pulo, i ma pulo Malta. Lonong ma kapal i jala hancur. Alai selamat do nasida sude, i ma na 276 halak i. Alai adong ma na marlange jala adong na maniop ponggol-ponggol ni kapal i asa boi sahat tu pulo i. Burju do halak Malta, dibahen do api asa unang ngalian halak si Paulus.

Dung tolu bulan, diboan angka tentara ma muse si Paulus tu Rom. Dung sahat di Rom, ro ma angka dongan sahaporseaon manjumpangi ibana. Las ma roha ni si Paulus jala mandok mauliate do ibana tu Jahowa. Saleleng dua taon, dibahen do tentara laho manjaga si Paulus di sada jabu. Sai ro do godang halak laho manjumpangi ibana. Alani i, dipaboa si Paulus ma taringot Harajaon ni Debata dohot Jesus tu nasida. Dibahen si Paulus do muse surat tu huria di Asia Kecil dohot di Judea. Tutu ma, dipangke Jahowa do si Paulus laho paboahon barita na uli tu sude bangso.

“Di sasudena hupatuduhon hami do molo hami parhobas ni Debata. Sabar do hami manaon marragam sitaonon, tingki marhahurangan dohot tingki susa.”​—2 Korint 6:4