Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 PARSIAJARAN 102

Penglihatan ni Si Johannes

Penglihatan ni Si Johannes

Tingki dipenjara si Johannes di pulo Patmos, dipatudu Jesus ma tu ibana 16 penglihatan taringot ari na naeng ro. Disi dipaboa ma songon dia goar ni Jahowa dipabadia, songon dia situasina molo ro Harajaon ni Debata, jala songon dia molo dung saut lomo ni roha ni Debata di tano on songon na di surgo.

Di sada penglihatan, diida si Johannes ma Jahowa hundul di takhtana na mulia. Jala adong ma 24 sintua na marpangkean na bontar jala mamangke mahkota na sian mas mangkalilingi Debata. Tarbege ma soara ni ronggur sian takhta i jala ro ma sillam. Marsomba ma 24 sintua i di jolo ni Jahowa. Asing ni i, diida si Johannes ma marpungu godang halak sian sude bangso dohot bahasa laho manomba Jahowa. Jesus ma na mamimpin nasida jala diboan ma nasida tu aek hangoluan. Di penglihatan na asing, diida si Johannes ma Jesus rap mamarenta dohot 24 sintua i. Dung i, diida ibana ma muse Jesus marporang mangalo Sibolis dohot suru-suruan manang malaikat na jahat. Didabu Jesus ma nasida sian surgo tu tano on.

 Dung i, diida si Johannes ma anak ni domba rap dohot 144.000 halak jongjong di Dolok Sion. Jala diida ma suru-suruan habang tu sude luat di tano on. Diparentahon suru-suruan i ma angka jolma asa mangoloi jala mamuji Debata.

Di penglihatan na mangihut, diida ibana ma porang Armagedon. Saleleng porang i, marporang do Jesus dohot tentarana mangalo pamarentaon ni Sibolis. Na parpudi, diida si Johannes ma dame di surgo dohot di tano on. Ndang adong be Sibolis dohot angka na mangihuthon ibana. Sude na di surgo dohot na di tano on mamuji Jahowa jala manomba Ibana.

“Bahenonku ma parbadaanmu dohot boruboru i, ro di pinomparmu tu Pinomparna. Ibana mangalisathon ulum, gabe pargutonmu tambihulna.”​—1 Musa 3:15