Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 PARSIAJARAN 88

Ditangkup ma Jesus

Ditangkup ma Jesus

Dung tonga borngin, mardalan ma Jesus dohot angka muridna sian Lembah Kidron tu Bukit Zaitun. Bulan purnama do tingki i. Sahat ma nasida di Taman Getsemane. Didok Jesus ma tu angka muridna, “Dison ma hamu jala dungo ma hamu.” Laho ma Jesus mandao sian nasida. Marsak hian do roha ni Jesus. Alani i, martangiang ma ibana tu Jahowa. Ninna ma, “Lomo ni roham ma na saut.” Dung i ro ma suru-suruan manang malaikat patoguhon roha ni Jesus. Tingki didapothon Jesus muse muridna, modom do nasida. Didok Jesus ma, ‘Dungo ma hamu! Unang be sai modom! Ai naeng tangkupon ni musuku nama ahu.’

Dung i sahat ma si Judas dohot angka halak mamboan podang tu taman i. Diboto ibana do na disi Jesus. Ai jotjot do nasida laho tu taman i. Nunga dipaboa si Judas tu angka tentara i tanda laho patuduhon Jesus. Didok ibana ma tu Jesus, ‘Horas Guru.’ Dung i diumma ibana ma Jesus. Alai didok Jesus ma, ‘Songon on do caram menghianati ahu Judas?’

Disungkun Jesus ma tu nasida, ‘Mangalului ise hamu?’ Dialusi nasida ma, “Jesus halak Nasaret i.” Didok Jesus ma, “Ahu do i.” Madabu ma nasida mambege i. Disungkun Jesus ma muse, ‘Ise do na dilului hamu?’ Dialusi nasida ma muse, “Jesus halak Nasaret i.” Didok Jesus ma, ‘Kan nga hudok ahu do i. Alai loas hamu ma laho angka muridhon.’

Tingki diida si Petrus na masa i. Dibuat ma podangna, ditallik ma pinggol ni si Malkus, hatoban ni sintua ni malim. Alai dipamalum Jesus do pinggolna i. Didok ma tu si Petrus, ‘Simpan podangmi. Manang ise na mamangke podang, mate do alani podang.’ Ditangkup angka tentara i ma  Jesus jala diikat ma tanganna. Gabe lari ma angka muridna. Dung i diboan ma Jesus tu Malim Kepala Hannas. Disungkuni si Hannas ma Jesus. Disuru ma asa diboan Jesus tu si Kayapas. Aha ma na masa tu angka murid ni Jesus?

“Susa do hamu bahenon ni portibi on, alai unang ma mabiar hamu! Ai nunga hutaluhon portibi on.”​—Johannes 16:33