Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 PARSIAJARAN 75

Sibolis Manguji Jesus

Sibolis Manguji Jesus

Dung tardidi Jesus, ditogu-togu tondi parbadia ma ibana tu padang belantara. Ndang mangan ibana disi saleleng 40 ari, alani i male ma ibana. Dung i ro ma Sibolis manguji ibana. Didok ma, ‘Molo Anak ni Debata do ho, bahen ma jo batu on gabe roti.’ Alai didok Jesus ma, ‘Adong do ayat na mandok, ndang holan sipanganon na mambahen jolma mangolu. Alai ingkon taoloi do hata ni Debata.’

Dung i didok Sibolis ma muse tu Jesus, ‘Molo toho do ho anak ni Debata, dabuhon ma dirim sian ginjang ni joro. Ai adong do ayat na mandok, disuru Debata do suru-suruanna laho manjaga ho.’ Alai didok Jesus ma, ‘Adong do ayat na mandok, unang ma uji Jahowa.’

Dung i, dipatudu Sibolis ma tu Jesus sude harajaon na di portibi on, hamoraonna dohot hasangaponna. Didok ma, ‘Hulehon pe sude harajaon on tu ho molo olo ho manomba ahu apala sahali pe.’ Alai didok Jesus ma, ‘Laho ma ho Bolis! Adong do ayat na mandok, holan Jahowa do na ingkon tasomba.’

Laho ma Sibolis. Dung i ro ma angka suru-suruan manang malaikat jala dilehon ma Jesus mangan. Mulai sian i, dipaboa Jesus ma tu angka halak taringot Harajaon ni Debata. On ma na ingkon diulahon ibana di tano on. Lomo do roha ni angka halak mambege Jesus. Sai diihuthon nasida do ibana tudia pe ibana laho.

“Molo dihatahon [Sibolis] gabus, mangihuthon lomo ni rohana do i. Ai pargabus do ibana jala ama ni gabus.”​—Johannes 8:44