Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 PARSIAJARAN 76

Diusir ma Angka Parjualan sian Bagas Joro

Diusir ma Angka Parjualan sian Bagas Joro

Hira-hira bulan opat manang bulan April taon 30 M, laho ma Jesus tu Jerusalem. Godang do halak na ro tu kota i laho mangarayahon Paska. Di perayaan i, ingkon diboan nasida do binatang na laho dilehon tu Jahowa. Adong do halak na mamboan binatang i sian hutana, alai adong do na manuhor i di Jerusalem.

Tingki masuk Jesus tu bagas joro, diida ibana ma disi godang halak marjualan binatang. Dibahen nasida do jabu ni Jahowa gabe inganan marjualan. Muruk ma Jesus. Dibuat ibana ma cambuk na sian tali jala diusir ma angka domba dohot lombu sian i. Dibalikkon ibana ma meja ni panukar hepeng jala diserakkon ma angka hepeng  logam ni nasida. Didok Jesus ma tu parjualan merpati, ‘Boan hamu on sude! Unang bahen hamu jabu ni Bapakku gabe inganan marjualan!’

Heran ma halak na di bagas joro mangida i. Gabe diingot angka siseanna ma surirang taringot Messias na mandok, ‘Mansai holong do rohangku tu jabu ni Jahowa.’

Dung i, diusir Jesus ma muse angka parjualan sian bagas joro taon 33 M. Sogo do rohana tu angka halak na so mangargai jabu ni Bapakna.

“Ndang boi hamu gabe hatoban ni Debata dohot hatoban ni hamoraon.”​—Lukas 16:13