Pintor tu konten

Sitindangi Ni Jahowa

Pillit Hata Batak (Toba)

Boi do na Mate Mulak Mangolu?

Boi do na Mate Mulak Mangolu?

Boha alus muna?

  • Ndang boi.

  • Ndang binoto.

  • Boi.

 SONGON ON MA HATA NI BIBEL

”Mulak mangolu sogot angka na tigor dohot angka na geduk.”​—Ulaon Ni Apostel 24:15, Bibel.

LAPATAN NI I TU HITA

Mangapuli roha tingki adong sisolhot na marujung ngolu.​—2 Korint 1:3, 4.

Malua sian biar tu hamatean.​—Heber 2:15.

Marpangkirimon, boi pajumpang muse tu angka si solhot na naeng hehe.​—Johannes 5:28, 29.

 BOI DO TA PARHATUTU HATA NI BIBEL?

Boi. Adong tolu alana:

  • Debata sibahen hangoluan. Didok Bibel Debata Jahowa ”mual hangoluan”. (Psalmen 36:10; Ulaon Ni Apostel 17:24, 25) Silehon hangoluan tontu margogo pangoluhon angka naung mate.

  • Nunga adong na dipahehe Debata sian hamatean. Di Bibel adong ualu taringot tu angka halak na matua, naposo, baoa, dohot boru-boru na dipahehe muse di tano on. Adong na idope mate, alai adong naung opat ari di udean!​—Johannes 11:39-44.

  • Sihol dope rohaNa laho pahehehon angka naung mate. Marmusu do Jahowa tu hamatean; Dietong do i aloNa. (1 Korint 15:26) Giot do rohaNa laho manaluhon aloNa i marhite haheheon. Masihol do Ibana pahehehon angka na adong di bagasan rohaNa asa mulak mangolu muse di tano on.​—Job 14:14, 15.

 RIMANGI MA

Boasa matua jala mate hita?

Dialusi Bibel ma sungkunsungkun on di 1 MUSA 3:17-19 dohot ROM 5:12.