Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 BAGIAN 19

Jesus Paboahon Surirang na Digohi sahat tu Saonari

Jesus Paboahon Surirang na Digohi sahat tu Saonari

Jesus paboahon angka na masa tanda ni harorona gabe raja dohot ajal ni hasiangan on

DI DOLOK Jetun, inganan na boi manatap tu bagas joro di Jerusalem, didapothon opat sisean ni Jesus ma ibana jala dipatangkas angka na didok ni Jesus. Dipaboa Jesus do, bagas joro na di Jerusalem laho lengsehononna. Andorang so i dope, nunga dipaboa tu nasida taringot ”ajal ni hasiangan on.” (Mateus 13:40, 49) Disungkun angka sisean i ma: ”Dia ma tanda ni harorom dohot ajal ni hasiangan on?”​—Mateus 24:3.

Dipaboa Jesus do na masa andorang so dilengsehon Jerusalem. Alai surirang on, digohi dope sahat tu tingkinta saonari. Na masa di portibi on, gabe tanda do di hita. Tanda na patuduhon haroro ni Jesus jala naung jongjong ibana gabe raja di surgo. Tanda i patuduhon, Harajaon on satongkinnari, pasohothon hajahaton jala parohon hadameon tu jolma. Na masa naung disurirangkon on, gabe tanda ariari parpudi ni hasiangan on i ma—ruhut ni ugamo, ruhut ni politik, dohot sosial na adong saonari—dung i, dipungka ma ruhut na imbaru.

Dung gabe Raja Jesus di surgo, masa ma porang marluatluat, haraparon, lalo, dohot angka ragam ni sahit. Angka siose uhum lam godang. Dibaritahon barita na uli taringot Harajaon ni Debata di liat portibi on. Saluhutna on dipaujung di ”haporsuhon” bolon na so hea masa di tano on.​—Mateus 24:21.

Sian dia do diboto siihuthon Jesus naung jonok haporsuhon bolon i? Jesus mandok: ”Sian hau ara i ma guruhon hamu tudosanna.” (Mateus 24:32) Molo tubu pusuk ni hau ara di angka dangkana, i ma tandana jonok nama ari logo. Songon i ma, molo rap masa saluhut angka na sinurirangkon ni Jesus, i ma tanda naung jonok ari i. Holan Ama i do na mamboto andigan masa hasusaan bolon i. I do alana, didok Jesus tu angka siseanna: ”Dungo ma hamu, ai ndang diboto hamu manang sadihari tingkina i!”​—Markus 13:33.

—Dibuat sian Mateus bindu 24 dohot 25; Markus bindu 13; Lukas bindu 21.

^ par. 14 Laho mangulas muse taringot surirang ni Jesus. Ida ma, parsiajaran 9 sian buku Apa yang Sebenarnya Alkitab Ajarkan? dipabinsar Sitindangi ni Jahowa.