Pintor tu konten

Pintor tu menu namangihut

Pintor tu daftar isi

Sitindangi Ni Jahowa

Batak (Toba)

Harajaon ni Debata Mamarenta!

Hambirang: Sahalak donganta borua kolportir na marbarita di Korea, 1931 Siamun: Marbarita mamangke bahasa Isyarat di Korea

 BAGIAN 2

Parbarita Harajaon​—Marbarita na Uli di Liat Portibi On

Parbarita Harajaon​—Marbarita na Uli di Liat Portibi On

 SOGOT dope nunga mangarade hamu. Ala ndang karejo hamu sadari i, marsangkap ma hamu marbarita. Alai, naeng istirahat dope hamu di jabu ala nunga loja. Dung martangiang, taronjar ma rohamu marbarita. Rap marbarita ma hamu dohot sahalak donganta borua naung matua na tongtong marsihohot. Dipatogu do rohamu mangida habengeton dohot haburjuonna. Tingki marbarita sian jabu tu jabu, diingot hamu ma muse molo angka donganta tongtong do marbarita di inganan na asing di liat portibi on. Dos do barita na dipasahat, cara, dohot alat na dipangke laho marbarita. Las ma rohamu dung sae marbarita na uli, ala nunga dipangke hamu tingkimu laho marbarita!

Saonari, ulaon marbarita do ulaon na rumingkot di Harajaon ni Debata. Disurirangkon Jesus, barita na uli laho dipasahat di liat portibi on. (Mat. 24:14) Songon dia do on digohi? Di bagian on, taparsiajari ma taringot tu naposo ni Debata, cara, dohot alat na dipangke laho marbarita na mangurupi marjuta halak di liat portibi on mamboto na tutu adong Harajaon ni Debata.

DI BAGIAN ON

PASAL 6

Halak na Pasahathon Barita na Uli​—Parbarita na Rade Mangalehon Diri

Boasa pos roha ni Jesus torop halak rade tu ulaon marbarita di tingki parpudi? Songon dia do hita manjumolohon Harajaon di ngolunta?

PASAL 7

Cara Marbarita​—Dipangke do Marragam Cara Asa Torop Jolma Manangihon Barita na Uli

Dipahombar naposo ni Debata do cara ni nasida marbarita mamangke teknologi terbaru, asa sude jolma manangihon barita na uli andorang so ro ari i.

PASAL 8

Alat na Dipangke Marbarita​—Publikasi na Diparade tu Ulaon Marbarita

Songon dia do ulaon penerjemahan patuduhon na diurupi Raja Messias hita? Songon dia do angka publikasi na godang tarsar patuduhon na tutu Harajaon ni Debata?

PASAL 9

Hasil ni Ulaon Marbarita​—”Hauma i . . . Nunga Marlangat, na Tau Gotilon ma”

Jesus mangajarhon tu siseanna dua parsiajaran na ringkot taringot tu ulaon manggotil di partondion. Songon dia do parsiajaran on mangkorhon tu hita?