Pintor tu konten

Pintor tu menu namangihut

Pintor tu daftar isi

Sitindangi Ni Jahowa

Batak (Toba)

Barita na Uli sian Debata!

 PARSIAJARAN 11

Aha do Hinorhon ni Prinsip ni Bibel tu Hita?

Aha do Hinorhon ni Prinsip ni Bibel tu Hita?

1. Boasa hita manisia manghaporluhon togutoguan?

Songon dia do prinsip ni Bibel paingothon hita asa manat unang maup?PSALMEN 36:10.

Umbisukan do Sitompa hita sian saluhutna. Songon Ama na parholong, tung disarihon hian do hita asa sonang. Asing ni i, ditompa hita ndang laho mangolu so marpanogunoguan. (Jeremia 10:23) Songon sada dakdanak na manghaporluhon panogunoguon ni natorasna, hita pe manghaporluhon panogunoguon ni Debata. (Jesaya 48:17, 18) Angka prinsip ni Bibel i ma toguan ni Debata na dibasabasahon tu hita.Jaha 2 Timoteus 3:16.

Molo ta ulahon patik dohot prinsip ni Jahowa, denggan ma parngoluonta saonari dohot mandapot pasupasu na manontong tu ari na naeng ro. Ala Debata do Sitompa hita, patut do hita marlas ni roha mangihuthon togutoguonNa.Jaha Psalmen 19:8, 12; Pangungkapon 4:11.

2. Aha do lapatan ni angka prinsip ni Bibel on?

Prinsip ni Bibel i ma ojahan ni hasintongan. Ia molo patik dibahen tu tingki na porlu. (5 Musa 22:8) Ingkon manat tarohahon laho mangantusi boha mangulahon sada prinsip di tingki na porlu. (Poda Sian Raja Salomo 2:10-12) Umpamana, Bibel mangajarhon molo hangoluan i ma sibasabasa sian Debata. Ojahan ni prinsip i boi manogunogu hita di parkarejoan, di jabu, manang di pardalanan. Molo ta ingot prinsip i, asa manat unang hona jea hita.Jaha Ulaon ni Apostel 17:28.

3. Dua prinsip dia ma na rumingkot?

Dipaboa Jesus do dua prinsip na rumingkot. Prinsip na parjolo i ma na hombar tu na tinuju ni hita manisia, laho mananda Debata, manghaholongi Ibana, jala tongtong manomba Ibana. Prinsip na parjolo on porlu sai tapingkirhon tingki laho mangulahon manang aha pe.  (Poda Sian Raja Salomo 3:6) Angka na mangulahon prinsip on boi gabe aleale ni Debata, manghilala hasonangan na manontong jala hangoluan na salelenglelengna.Jaha Mateus 22:36-38.

Molo prinsip paduahon manogunogu hita asa boi mambahen pardomuan na dame dohot jolma. (1 Korint 13:4-7) Asa boi mangulahon prinsip na paduahon on, porlu tatiru Debata songon dia Ibana mangangkupi jolma.Jaha Mateus 7:12; 22:39, 40.

4. Aha do laba ni prinsip ni Bibel on tu hita?

Molo taulahon angka prinsip ni Bibel, angka na marsaripe dipasada di bagasan holong. (Kolosse 3:12-14) Hata ni Debata mangaramoti parsaripeon marhite prinsip na asing. Bibel mangajarhon molo parrumatanggaon i ma parsaripeon na hot jala na togu.Jaha 1 Musa 2:24.

Molo taihuthon angka prinsip ni Bibel, dame ma rohanta jala ndang marhahurangan. Umpamana, lomo do roha ni tongke molo parkarejona pintor jala ringgas ala mangihuthon prinsip ni Bibel. (Poda Sian Raja Salomo 10:4, 26; Heber 13:18) Hata ni Debata pe mangajari, asa tahasabamhon angka na tahoporluhon jala tapajolohon paralealean tu Debata sian angka parkarejoan.Jaha Mateus 6:24, 25, 33; 1 Timoteus 6:8-10.

Mangulahon prinsip ni Bibel pe boi do mambahen hita asa lam hipas. (Poda Sian Raja Salomo 14:30; 22:24, 25) Umpamana, molo taoloi parenta ni Debata na mangorai hita tenggen, hita boi malua sian sahit na pamatehon dohot hinamago. (Poda Sian Raja Salomo 23:20) Ndang diorai Jahowa hita manginum tuak alai unang palobihu. (Psalmen 104:15; 1 Korint 6:10) Dilehon Debata pe angka prinsip na di Bibel on ala adong do lapatanna tu hita. (Psalmen 119:97-100) Alai, halak Karisten manjalo prinsip ni Debata ndang holan ala na adong lapatanna di nasida. Nasida mangulahon i laho pasangaphon Debata.Jaha Mateus 5:14-16.