Pintor tu konten

Pintor tu menu namangihut

Pintor tu daftar isi

Sitindangi Ni Jahowa

Batak (Toba)

Hamu Boi Gabe Aleale ni Debata!

 PARSIAJARAN 10

Songon dia Mangalului Ugamo na Sintong

Songon dia Mangalului Ugamo na Sintong

Molo hamu naeng aleale ni Debata, ingkon ihuthononmu do ugamo na dihalomohon ni Debata. Jesus mandok ”angka partangiang na tutu” ingkon manomba Debata dohot ”hasintongan.” (Johannes 4:23, 24) Holan sada do dalan na sintong laho manomba Debata. (Epesus 4:4-6) Ugamo na sintong manogu tu hangoluan na manongtong, alai ugamo na so sintong manogu tu hamagoan.—Mateus 7:13, 14.

Sian angka parniulaonna, tandaon muna ma ugamo na sintong. Ala na burju do Jahowa, angka na manomba Ibana pe ingkon halak na burju. Dos songon bona ni jeruk na denggan, denggan ma parbuena. Songon i ma nang ugamo na sintong ingkon mambahen angka jolma gabe burju.—Mateus 7:15-20.

Diargai angka aleale ni Jahowa do Bibel. Diboto nasida do Bibel i sian Debata. Dibahen nasida do aha na didok ni Bibel laho manogunogu parngoluon ni nasida, mangurupi nasida di tingki ro sitaonon, jala mangurupi nasida marsiajar taringot Debata. (2 Timoteus 3:16) Marsitutu do nasida mangulahon aha na dibaritahon nasida.

 Angka aleale ni Jahowa patuduhon holong tu angka donganna. Diajari Jesus do angka jolma taringot Debata jala dipamalum do angka na marsahit, on patuduhon holongna tu angka jolma. Angka na mangulahon ugamo na sintong patuduhon holong tu angka donganna. Jesus mandok tandaon ni jolma ma angka siseanna molo masihaholongan nasida. Songon Jesus, ndang leas roha ni nasida marnida angka na pogos manang na ro sian houm na asing.—Johannes 13:35.

Angka aleale ni Debata pasangaphon goarNa, i ma Jahowa. Molo sasahalak ndang mamangke goar muna, boi do ibana gabe alealemu? Daong! Molo adong alealenta, tapangke do goarna jala tahatahon do angka na denggan taringot ibana tu halak na asing. Songon i ma, molo ise pe naeng maraleale tu Debata ingkon mamangke goarNa, jala manghatahon taringot Ibana tu angka na asing. Mansai lomo roha ni Jahowa molo taulahon i.—Mateus 6:9; Rom 10:13, 14.

Songon Jesus, angka aleale ni Debata mangajari angka jolma taringot Harajaon ni Debata. Harajaon ni Debata i ma harajaon na di surgo na laho mambahen portibi on gabe Paradeiso. Angka aleale ni Debata pararathon barita na uli taringot Harajaon ni Debata tu angka na asing.—Mateus 24:14.

Angka Sitindangi Ni Jahowa marsitutu gabe aleale ni Debata. Saonari on, Sitindangi Ni Jahowa mangihuthon ugamo na sintong. Diargai nasida do Bibel jala masihaholongan do nasida. Dipangke jala dipasangap nasida do goar ni Debata laos diajari nasida do halak na asing taringot Harajaon ni Debata.