Pintor tu konten

Pintor tu daftar isi

Sitindangi Ni Jahowa

Pillit Hata Batak (Toba)

 PARSIAJARAN 17

Ingkon Boi Hamu Gabe Aleale ni Nasida, Asa Olo Nasida Maraleale tu Hamu

Ingkon Boi Hamu Gabe Aleale ni Nasida, Asa Olo Nasida Maraleale tu Hamu

Paralealeon marojahan tu holong. Lam godang hamu marsiajar taringot tu Jahowa, lam balga ma holongmu tu Ibana. Huhut lam balga holongmu tu Debata, lam lomo ma rohamu manomba Ibana. On mambahen hamu gabe sahalak sisean ni Jesus Kristus. (Mateus 28:19) Molo saor hamu tu punguan Sitindangi Ni Jahowa na martua hilalaon muna ma paralealeon tu Debata salelenglelengna. Aha ma na ingkon ulahonon muna?

Hamu ingkon patuduhon holong tu Debata marhite mangoloi angka parentaNa. ”Ai on do holong ni roha di Debata; molo taradoti patikNa. Ndada na dokdok patikNa i.”—1 Johannes 5:3.

Ulahon ma aha naung diparsiajari hamu. Dipaboa Jesus ma sada tudostudos. Sahalak baoa na marbisuk pajongjong jabu di ginjang ni batu. Sahalak baoa na so marbisuk pajongjong jabu di ginjang ni rihit. Tingki ro udan habahaba, jabu na dipajongjong di ginjang ni batu ndang marumpak, alai jabu na dipajongjong di ginjang ni rihit marumpak laos dibaor aek. Jesus mandok angka halak na manangihon jala mangulahon na diajarhonna, on songon sada baoa na marbisuk na pajongjong jabu di ginjang ni batu. Alai, angka halak na manangihon na so mangulahon na diajarhonna i, on songon sada baoa na so marbisuk na pajongjong jabu di ginjang ni rihit. Hamu naeng songon baoa na dia do?—Mateus 7:24-27.

 Mangalehon diri tu Debata. Lapatanna hamu ro tu adopan ni Jahowa marhite tangiang, jala paboa ma tu Ibana hamu naeng mangulahon lomo ni rohaNa salelenglelengna. Mangulahon lomo ni roha ni Debata patuduhon hamu gabe sahalak sisean ni Jesus Kristus.—Mateus 11:29.

Tardidi. ”Hehe ma ho, padidihon ma ho jala paburihon ma dosam, dung dijou ho Goarna i!”—Ulaon ni Apostel 22:16.

Marsihohot ma hamu laho manomba Debata. ”Sian roha muna ma ula hamu nasa sibahenon muna; songon na tu Tuhan i, ndada tu jolma!”—Kolosse 3:23.