1 Korint 8:1-13

  • Taringot tu sipanganon naung dipelehon tu gana-ganaan (1-13)

    • Holan sada do Debata di hita (5, 6)

8  Saonari, taringot tu sipanganon naung dipelehon tu gana-ganaan: Sude do hita mamboto taringot tusi. Parbinotoan boi do mambahen ginjang roha ni sasahalak. Alai holong ni roha, boi do mambahen togu roha.  Nang pe didok sasahalak, “Nunga huboto i,” sasintongna ndang sude dope diboto ibana.  Alai molo holong do roha ni sasahalak tu Debata, tandaon ni Debata do ibana.  Saonari taringot tu mangallang sipanganon naung dipelehon tu gana-ganaan, taboto do molo gana-ganaan ndang adong lapatan ni i, ai holan sada do Debata.  Nang pe adong na digoari angka debata, di banua ginjang manang di tano on, tutu do i, godang do angka “debata” jala godang do angka “tuan”.  Alai di hita, holan sada do Debata, i ma Ama i. Ibana do na manompa saluhutna jala tu Ibana do hita mangolu. Jala holan sada do Tuan, i ma Jesus Kristus. Marhite ibana do saluhutna ditompa, jala marhite ibana do hita mangolu.  Alai ndang di sude halak adong parbinotoan on. Ai manomba gana-ganaan do deba sian nasida najolo. Didok roha ni nasida, sipanganon sisongon i nunga dipelehon tu gana-ganaan. Alani i, gabe ganggu ma panggora ni roha ni nasida na gale i.  Sasintongna, ndang boi sipanganon mambahen hita lam jonok tu Debata. Molo ndang taallang, ndang rugi hita. Jala molo taallang pe, ndang adong laba ni i di hita.  Manat ma hamu, asa unang tartuktuk halak na gale panggora ni rohana alani hakmuna laho mamillit. 10  Molo mangan hamu na marparbinotoan i di joro* ni gana-ganaan, hape adong halak na gale panggora ni rohana mangida hamu mangan disi, nda gabe naeng dohot ma ibana mangallang sipanganon na dipelehon tu gana-ganaan i? 11  Alani i, gabe sega ma haporseaon ni halak na gale i alani parbinotoanmuna. Hape dongan sahaporseaonmuna do ibana jala mate do Kristus humongkop ibana. 12  Molo mardosa do hamu tu donganmuna marhite pambahenan sisongon i, jala gabe guga panggora ni roha nasida na gale i, sasintongna tu Kristus do hamu mardosa. 13  Alani i, molo gabe tartuktuk do donganki dibahen sipanganon, ndang allangonku be i* asa unang tartuktuk ibana hubahen.

Surat na di toru

Manang “kuil”.
Manang “jagal”.