1 Korint 5:1-13

  • Taringot tu halak na mangulahon seks na so patut (1-5)

  • Otik pe ragi boi mambahen kambang sude adonan (6-8)

  • Halak na mangulahon na jahat dipakaluar sian huria (9-13)

5  Hubege adong na mangulahon seks na so patut* di tonga-tongamuna. Ai adong do sahalak baoa na mangulahon seks dohot* tunggane boru ni amangna. Gari di tonga-tonga ni angka bangso, ndang hea masa sisongon i.  Antong boasa dope ginjang rohamuna? Sasintongna, ingkon marsak ma nian hamu jala ingkon pakaluaronmuna ma nian baoa i sian huria.  Nang pe ndang disi ahu, alai sai tusi do rohangku.* Jala nunga huuhumi baoa na mangulahon na jahat i, nang pe ndang rap ahu dohot hamu.  Tingki marpungu hamu, diboto hamu do, molo rohangku dohot huaso ni Tuanta Jesus i rap do dohot hamu. Alani i, di bagasan goar ni Tuanta Jesus,  ingkon pasahatonmuna do baoa i tu Sibolis* asa bolong pangkorhon ni dosana i sian huria. Alani i, malua ma huria sian pangalaho sisongon i saleleng ari ni Tuan i.  Ndang sintong molo sai ginjang dope rohamuna. Ai na so diboto hamu do, otik pe ragi boi do mambahen kambang sude adonan?  Bolongkon hamu ma ragi na leleng i, asa gabe adonan na imbaru hamu. Sasintongna ndang marragi be hamu, ala nunga dipelehon biru-biru Paska, i ma Kristus.  Alani i, tongtong ma tarayahon perayaan* i mamangke roti na so marragi, na manggombarhon haburjuon dohot hasintongan. Unang ma tapangke ragi naung leleng, na manggombarhon dosa dohot hajahaton.  Di surathu na hubahen tu hamu, nunga hudok asa unang mardongan be hamu dohot halak na mangulahon seks na so patut.* 10  Na hudok disi, ndang na gabe ndang mardongan hamu tu sude halak na mangulahon seks na so patut* na adong di portibi on, tu halak na hisap, tu pangarampok, dohot tu panomba gana-ganaan. Ai molo songon i do, ingkon tadingkononmuna nama portibi on. 11  Alai hubahen pe surat on, asa unang mardongan be hamu tu dongan sahaporseaon na mangulahon seks na so patut,* na hisap, na manomba gana-ganaan, pangaleai, parmabuk, dohot pangarampok. Gari mangan pe, ndang boi rap hamu dohot halak sisongon i. 12  Ai ndang marhak ahu manguhumi halak na di luar ni huria. Alai ingkon hamu do na manguhumi halak na adong di huria, 13  jala Debata do na manguhumi halak na di portibi on. Alani i, “pakaluar hamu ma halak na mangulahon na jahat sian huria”.

Surat na di toru

Manang “parmainanon”. Di bahasa Junani porneia. Ida di Kamus.
Manang “na mambuat”.
Bahasa Junani, pneuma. Ida di Kamus.
As. “Setan”. Ida di Kamus.
Na nidokna dison i ma, Perayaan Roti na So Marragi. Ida di Kamus.
Manang “parmainanon”. Di bahasa Junani porneia. Ida di Kamus.
Manang “parmainanon”. Di bahasa Junani porneia. Ida di Kamus.
Manang “parmainanon”. Di bahasa Junani porneia. Ida di Kamus.