1 JULI 2026
RUSIA

Sian kiri tu kanan: Donganta si Roman Khorikov, si Yuriy Khorikov, dohot si Kirill Severinchik

“Songon Ubat na Jago do Tangiang di Au”

PANGOLU

Di tanggal 19 Juni 2026, diputusson Pengadilan Kota Surgut ma na marsala donganta si Roman Khorikov, si Yuriy Khorikov, dohot si Kirill Severinchik. Di Daerah Otonomi Khanty-Mansi—Yugra do pengadilan i. Diancam do donganta si Roman Khorikov lao dipenjara saleleng onom taon opat bulan. Diancam do donganta si Yuriy Khorikov lao dipenjara saleleng onom satonga taon. Jala diancam do donganta si Kirill Severinchik lao dipenjara saleleng opat taon. Alai dang dipenjara dope nasida saonari. Holan hukuman masa percobaan do dibahen tu nasida.

Profil

Roman Khorikov

Tubu: 1988 (Surgut)

Tardidi: 2009

Riwayat: Hea do ibana karejo di bengkel. Di taon 2020 menikah ma ibana tu si Filiya. Dohot do tong bapakna na margoar si Yuriy diputusson marsala alani tuduhan na sarupa

Tuduhan: Mangurus jala membiayai ulaon ni organisasi ekstremis

Hukuman: Hukuman masa percobaan jala diancam lao dipenjara saleleng onom taon opat bulan

Na Didok si Roman Khorikov

Aha do na mangurupi ho boi menghadapi akka situasi na so tarduga?

Saleleng na diawasi on au, hira binatang na diikkat do huhilala. Dang adong na boi huulahon asing ni paimahon digeledah jabunami, ditakkup hami, diadili, jala dibahen keputusan tu hami. Alani i gabe khawatir do au jala marsak. Alai saleleng on boi do huhilala gabe songon ubat na jago do tangiang di au. Tikki martangiang, boi do huceritahon tu Jahowa sude na adong di roha dohot pikkiranku. Jala berusaha do au mamikkiri akka na boi huhamauliatehon tu Ibana. Ala huulahon i, gabe holan tu Jahowa ma pikkiranku jala dame ma rohakku. Dang adong na boi mambuat dame ni roha i sian au.

Yuriy Khorikov

Tubu: 1967 (Uni Soviet)

Tardidi: 2004

Riwayat: Hea karejo di bank. Di taon 1987, menikah ma ibana tu si Irada. Adong sada anakna dohot sada boruna. Dohot do tong anakna na margoar si Roman diputusson marsala alani tuduhan na sarupa

Tuduhan: Mangurus jala membiayai ulaon ni organisasi ekstremis

Hukuman: Hukuman masa percobaan jala diancam lao dipenjara saleleng onom satonga taon

Na Didok si Yuriy Khorikov

Boha ma carana asa unang negatif pikkiranmu?

Poda 24:10 mandok, “Molo metmet roham tikki masa hasusaan,moru ma gogom.” Huboto do ikkon toktong do au togu. Jadi berusaha ma au asa torus positif pikkiranku. Sai huingot do torus janji ni Debata taringot ari na naeng ro. Jala sai hupaingot do dirikku na mangolu di ujung ni ari parpudi do au. Lapatanna salpu nama sude sitaonon i satokkin nai. Ganup ari huceritahon do sude arsak ni rohakku tu Jahowa. On ma na mambahen dame rohakku. Mandok mauliate do tong au tu istrikku dohot tu borukku. Sai diurupi nasida do au jala dipatudu nasida na holong roha ni nasida tu au. Gabe dipatogu do rohakku.

Pasti tarapul do rohatta mamboto sai diattusi Jahowa do aha na porlu di naposona jala sai rade do Ibana patoguhon jala mangurupi nasida.—Psalmen 121:3, 4.

“Songon Ubat na Jago do Tangiang di Au”

Profil

Pillit Hata Muna