Pintor tu konten

Pintor tu menu namangihut

Pintor tu daftar isi

Sitindangi Ni Jahowa

Batak (Toba)

JW LIBRARY

Mandownload dohot Mangatur Angka Publikasi​—Windows

Mandownload dohot Mangatur Angka Publikasi​—Windows

Adong marratus buku, brosur, risalah dohot video na boi dijaha jala ditonton offline di JW Library.

Ihuthon ma tudutudu on laho mandownload dohot mangatur angka publikasi:

 Download Publikasi

Boi do tadownload angka buku na laho tajaha jala taparsiajari offline.

  • Ida ma bagian menu. Pillit ma Publikasi, dung i pillit ma Kategori laho mangida daftar ni angka publikasi.

  • Pillit ma bagian Bahasa laho mangida angka bahasa naung rade. Pillit ma bahasa na laho taida. Bahasa na jotjot tapangke somalna adong di urutan na parjolo. Alai, boi do hita mamillit bahasa marhite mengetik goar ni bahasa i.

Adong pigapiga cara laho mangida publikasi di JW Library.

Molo tapillit bagian Kategori, boi ma taida angka publikasi na dipasada tu bagian Buku, Risalah, manang Video. Molo tapillit sadasada bagian, adong ma muse sipilliton. Umpamana, Menara Pengawal taon sadia manang Video na marragam. Pillit ma Semua asa mulak tu daftar na parjolo.

Molo tapillit bagian Terbaru, boi ma taida publikasi na baru di bahasa na tapangke.

Molo ndang tadownload dope publikasi i, adong do gambar awan. Klik ma publikasi molo laho mandownload. Molo nunga tadownload, mago ma gambar awan i. Klik ma muse publikasi i molo laho manjaha.

Molo tapillit Terdownload, boi ma taida publikasi naung tadownload di bahasa na tapillit. Adong do muse daftar Sering Digunakan, Jarang Digunakan, manang Ukuran Terbesar.

Hapus Publikasi

 Molo ndang tahaporluhon sadasada publikasi manang ndang siat be ruang penyimpanan, boi do tahapus.

Ida ma bagian menu. Pillit ma Publikasi, dung i pillit ma publikasi di bagian na dia na laho dihapus. Pillit ma tanda na adong di publikasi na laho dihapus, dung i pillit ma Hapus.

Molo ndang siat ruang penyimpanan, hapus ma publikasi na jarang tapangke manang na balga ukuranna. Pillit ma fitur Publikasi, bungka ma bagian Terdownload, dung i pillit ma bagian Jarang Digunakan manang Ukuran Terbesar. Hapus ma publikasi na so tahaporluhon be.

Paimbaruhon Publikasi

 Ingkon ringgas do hita paimbaruhon angka publikasi naung tadownload.

Molo nunga adong publikasi na dipaimbaru, tarida ma gambar panah na melingkar. Molo taklik publikasi, dipatudu ma tu hita na boi do publikasi i dipaimbaru. Klik ma Download laho paimbaruhon, manang klik Nanti molo holan laho manjaha.

Laho mangida atik boha adong publikasi na porlu dipaimbaru, pillit ma bagian Publikasi. Molo adong publikasi na so tapaimbaru dope, tarida do i di bagian Belum Diperbarui. Pillit ma bagian on laho mangida sude publikasi na so dipaimbaru dope. Laho paimbaruhon, klik ma publikasi na laho tapaimbaru, manang klik ma tanda Perbarui Semua laho paimbaruhon sude publikasi.

Fitur on nunga dirilis di bulan Maret 2015 di JW Library 1.4, na pas tu Windows 8.1 manang na baru. Molo ndang adong diida hamu fitur on, ihuthon ma tudutudu di artikel ”Cara Mamangke JW Library​—Windows”, di judul Ida ma Angka Fitur na Imbaru..