Di yé maséé i naña we likoda li ndôn jés li dilo daa, li Mbôgi Yéhôva i ntégbaha i nwii unu.

DINYO MALÉP

  • Minkwel ni mbôgi: Béñge manjel di nla gwélél inyu yémbél mandutu ni ñem ngui len ni dilo di nlo.

  • Bividéô: Béñge jam bôt ba binam​—yak ni binuga​—bi nla niiga bés inyu ñem ngui.

  • Nkwel Bibel u mbamba: Béñge jam Yésu a kal isañ mbai wada nu a bi nimis man wé: “U kon bañ woñi.” (Markô 5:​36) Emble nkwel u nlôl Bibel u u ga tiba i kel sonde kegla ni ño nkwel le: “Botñem i bitugne i nti ñem ngui​—Lelaa?”

  • Bisinima: I kel sonde kôkôa, béñge inyuki Yôna a bi kon woñi i ke i het Djob a om nye, a so.

NJEE A NLA LO?

Hiki mut. U nsaa bé to dola inyu jôp i likoda, njañgi yo ki yo i ta bé. Béñge lipep li miño mi minkwel jolisôna, u béñge ki vidéô i mpôdôl makoda més ma ndôn.