Matibla ma ma nom i boga ni boga

Matibla ma ma nom i boga ni boga

Didun di bôt di bi noñ maéba di ntip pôdôl mu miño minkwel mi ntip tagbe, hala a bi hôla bo i nup lem i todol bôt mu miñem nwap. Maliga ma yé le ngui yés yomede bé yon i nla hôla bés i waa todol bôt. Baa lem i todol bôt i ga mal kel yada?

Ane i i nlôôha ba loñge

Biane bi bôt ba binam bi nla bé mélés lem i todol bôt. Ndi baa hala a nkobla le ane yo ki yo i nla bé mélés lem i todol bôt?

I Ane i nsômbôl mélés lem i todol bôt i nlama:

  1. 1. Tinde bôt i héñha mahoñol map.

  2. 2. Hôla i bet ba bi todol i jôs ngôñ i todol bôt bape.

  3. 3. Bana baane ba ba téé sép, ba tinak hiki mut nu a yé isi énél yap lipém.

  4. 4. I nlama at bôt ba biloñ gwobisôna.

Bibel i ñéba le Nyambe a bi mal téé i énél i. Ba nsébél yo le “Ane Djob.”​—Lukas 4:43.

Béñge i mam i ane i, i ga boñ.

1 I I ga niiga bôt i boñ loñge

“Ha nyen bôt ba nyén nkoñ ’isi [b’a] nigil telepsép.”​—YÉSAYA 26:9.

“Ndi telepsép y’a gwal nsañ, litam li telepsép ki l’a ba ñem lima; n’a yugyene ki me nyuu mba ni mba.”​—YÉSAYA 32:17.

Kii hala a nkobla? Ane Djob i ga niiga bôt kii i yé loñge. I ngéda bôt ba nyi bagal loñge ni béba, yak mahoñol map ma nhéñha. Bobasôna ba nyi le i yé loñge i gwés mintén mi bôt nwominsôna.

2. I I ga mélés makon

Djob “a’ sas gwiiha gwobisôna i mis map, nyemb y’a ba ha bé, to maéya, to nlondok, to njôghe bi ga ba ha bé. Minlômbi mi mam mi mal tagbe.”​MASOOLA 21:4.

Kii hala a nkobla? Ane Djob i ga mélés mandutu momasôna ngitelepsép i nlona. I bôt ba bi boma ngitelepsép b’a bana ha bé ngôñ i pun bomede.

3. I I ga lona énél ilam

“A’ kéés bé bôt kingéda binunul bi mis, to pémés mbagi kingéda binôgôl bi maôô. Ndi a’ kéés diyeyeba ndôñ i téé sép, a pémhenege ki ba ba nsamb hana ’isi mbagi tete.”​—YÉSAYA 11:3, 4.

Kii hala a nkobla? Yésu Kristô, Kiñe i Ane Djob i i yé nyoo i ngii, a ga ane bôt ba binam ni telepsép, ngi mbagla yo ki yo. Inyu Yésu, loñ yada i nloo bé ipe. A ga yoñ bitelbene le mut nye ki nye a bôk bañ matiñ mé ma telepsép.

4. I I ane i, i ga lona adna

Ane Djob i ga hôla bôt i ‘bana minlé- lém mi mahoñol, i bana nlélém gwéha, i [bana] adna i nya i yoni ni mahoñol mada.’ ​—FILIPI 2:2.

Kii hala a nkobla? I bet ba ga kôdôl Ane Djob, ba ga pot ndik bé adna ni bibép bi nyo. Ba ga niñ ikété “adna i yôni” inyule ba ga gwéhna wada ni nuu.