Baa ni nyoñ ngéda i añ ba Nkum Ntat ba nsôk pam i masañ mana? Ibale ñ, ni béñge too ni nla timbhe mambadga ma noñ hanano:

Ngéda ntôñ u nti biniigana, lelaa bilôk bikéé kiki bo bagwélél ba makiiña ni mimañ, bi nlama tehe gwo?

Ba nlama pala bii gwo bisélél. Ba nla badba le: ‘Baa me nhôla lôk kéé ipe i yé me i pañ i hol i pes mbuu? Baa me nhoo neebe, ni nit biniigana di nkôs?’​—w16.11-BS, lipep 11.

Ngéda imbe bañga bikristen bi bi ke minkôm mi Babilôn?

Hala a bi bôña ndék ngéda mbus nyemb baôma. Ha ngéda i, ngim bôt i bi kahal nyagap i ngii ntôñ, inyu yéñ bitel bikeñi. Base ni ngomin ba bi bôdôl hôñôs base i ndôñ bikristen, ba noodege ki mômôs bañga bikristen i i bé kiki blé. Ndi, môm ma nwii ilole nwii 1914 i nkola, minhoog mi bi bôdôl hohla mu minkôm mi.​—w16.11-BS, mapep. 23-25.

Inyuki bôlô i Lefèvre d’Étaples i bé nseñ?

Ikété nwii mi bé noñ 1520, mut wada le Lefèvre a bi kobol Bibel ni hop Pulasi inyu boñ le ngwañga bôt i i bi ke bé suklu i bana yo. Ngobol yé i Bibel i bi lôôha tihba bôt kiki bo Martin Luther, William Tyndale, ni John Calvin.​—wp16.6-F, pp. 10-12.

Mambe maselna ma yé ipôla “i tôñ ni mam ma minsôn” ni “i tôñ ni mam ma mbuu”? (Rôma 8:6)

Nwet a ntôñ ni mam ma minsôn a mbok mis i mam ma kon nye ngôñ, ni minheña mi minsôn, a mbéna pôdôl mam ma minsôn ni ti mo lipém. Mut a ntôñ mam ma mbuu, a ti niñ yé yosôna i mam ni mahoñol ma Djob; i nya kristen i nwas le mbuu mpubi won u éga nye. Li bisu li nkena i nyemb, li li nsôk i niñ, ni nsañ.​—w16.12-BS, mapep 15-17.

Sima ngim bitelbene inyu suhus nduña?

Tjek mam ma nlama ndugi bôña, bémél wemede i mam u nla toi yônôs, yéñ pôla mu ntjegek woñ ngéda inyu yén nwee hiki kel, memle bihégél bi Djob, bana lem i nol inyu mam ma mpémél we, u bana lem i hiañda tole i nyiñgis minsôn, u yoñ ki ngéda i ke i lo loñge.​—w16.12-BS, mapep. 22-23.

“Hénok a yôña le ndi a tehe bañ nyemb.” (Lôk Héber 11:5) Lelaa?

I nene le Djob bi boñ le nyemb i yoñ Hénok mbeñel mbeñel, ibabé nye i yi le a yé wo.​—wp17.1-F, pp. 12-13.

Inyuki i bana ñem nsôhga i ngi yii nseñ?

I bana ñem nsôhga i nkobla le mut a nyi minwaa nwé, a wanba ni maliga, a nyi ki bibomb gwé. Di nlama yi le maboñog més ma nla tééñga bôt bape, jon di nlama bé kadba.​—w17.01-BS, lipep 18.

Kii i ñunda toi le Djob a bi éga juu li bakena ntôñ i hiai bisu, kiki a ñéga yak wo i len ini?

Ni mahôla ma mbuu mpubi, ba bé nok biniigana bi Bibel. Ni mahôla ma biañgel, ba bé éga nson likalô, makidik ba bé yoñ ma bé ma umne ngii Bañga i Djob. Hala a yé nlélém i len ini.​—w17.02-BS, mapep 26-28.

Kii i ntinde bés i tehe binoñ kiki jam li mahee?

Mam ma yé ma-na: Njee a bi ti binoñ, inyuki bi bi tiba, kii hala a bé bat, ni le bi bi yônôs imbe ngôñ. Di nlama soñda mu inyu tibil nok mahee ma binoñ.​—wp17.2-F, pp. 4-5.

Mbus a mal yoñ ngim makidik, baa kristen i yé ki le i héñha mo?

Di nlama yônôs bibuk gwés. Ndi ngim mangéda, i yé i béda le di témb di wan makidik di bi yoñ. Ngéda bôt ba Ninivé ba bi hiel-ñem, Djob a héñha makidik mé inyu yap. Ngéda ihogi, mam ma mondo ma nla boñ le di mboñ nlélém.​—w17.03-BS, mapep 16-17.

Inyuki hilégé hi nlôôha ba béba?

I nla boñ le mam ma ñôbi, le ma kônde bep. To ibale bés bon ba nhuhul tole to, i gwélél bibuk bi mbabaa i ga mélés bé ndañ.​—w17.04-BS, lipep 21.