Ibôdôl i sôñ Kondoñ i ñwii 2016, lipep li nsôk li Nkum Ntat nu mbamba li gwé ño nkwel le “Kii Bibel i nkal?” I sélél i mondo ini, i yé nkôôbaga inyu bôdôl minkwel mi mi nyôña i Bibel. Ba ntila yo kiki bon ba mapep més ma nsôk pam. I gwé mbadga inyu yi mahoñol ma mut, ni ndimbhe i Bibel. I bagna ki matode mape ni nla kwélél.

Minkwel minlam mi mi nlôl ikété Bibel, mi mbéna tinde bôt i neebe yigil i Bibel. Gwélél sélél i mondo ini, inyu hôla ngandak bôt i yônôs ngôñ yap maliga.—Matéô 5:6.

LELAA U NLA GWÉLÉL I SÉLÉL INI:

  1. Bat nwet ndap le a ti mahoñol mé mu mambadga ma

  2. Emble nye, mbus u ti nye mayéga inyu ndimbhe yé

  3. pes kaat i yé i si ño nkwel le “Kii Bibel i nkal,” mbus bat nye mahoñol mé inyu pes kaat i. Ibale a nti we ngéda, kena nkwel ni bisu, u gwéélak matode ma yé i si ño nkwel le “Kii ipe Bibel i niiga bés?”

  4. Ti nye mbamble

  5. Kôôba lipeple inyu mbadga i noñ