INYUKI HALA A YÉ NSEÑ: Ikété mbañ, Sakaria a bi kal le bôt ba dilémb tjodisôna ba bé lama leege miñañ minlam. (Sakaria 8:23) Ndi njee a ga niiga bo? (Rôma 10:13-15) Di gwé nsima i añle bôt bobasôna ba libôga jés miñañ minlam.​—od 84 § 10-11.

LELAA U NLA BOÑ:

  • Kôôba. Baa u yé u boma bôt ba mpot hilémb hipe? U nla gwélél JW Language i nigil ndék bibuk inyu jubus nkwel. U nla ki gwélél kei yoñ inyu unda mut nu lelaa a nla léba biniigana bipe ikété hilémb hié i jw.org

  • Beñge loñge. Ibale u nsal i mandap ni mandap, u nimis bañ pôla i téé likalô. Pôdôs bôt u mboma mu njel, tole bet ba mbem mu matôa map. Ibale u yé likalô li mbamba, tééda mu mahoñol moñ le u yé ha inyu téé likalô

  • Ba mut bôlô. Boñ biliya i boma bôt u bi tehe bé ngélé bisu. Boñ biliya i koode hiki likôga, bebek héñha ngeñ tole hilo u mbéna tagbe. Inyu boma ngim bôt, i nla béda le di gwélél léta, téléfôn tole likalô li mbamba

  • Boñ mapeple. Tiimba lo ibabé i nimis ngéda inyu kena ñañ ni bisu. Ibale mut u yé peple a mpot hilémb hipe, yéñ mut a nla hôla nye lôñni hop wé. U nlama ke ni bisu i peple nye letee batéé likalô ba ba mpot hilémb hié ba bôdôl minkwel ni nye.​—od 94 § 39-40

BÉÑGE VIDÉÔ I GWÉ ÑO LE I TÉÉ LIKALÔ “LETEE NI MASUK MA HISI” I MBUS U TIMBHE MAMBADGA MANA:

  • Lelaa bilôk bikéé bi bôlôm ni bi bôda bi bi kôôba inyu tééne bôt ba bé ba yiine haa likalô? (1 Korintô 9:22, 23)

  • Mambe mandutu ba bi kôhna?

  • Bimbe bisai ba bi bana?

  • Bimbe biliya u nla boñ inyu tihba ngandak bôt mu libôga joñ?