MBADGA 7
Kii Bibel i bi bôk i kal inyu dilo tjés?
“Inyule loñ y’a telep ikolba loñ, yak ane ikolba ane . . . I mam mana momasôna ma yé bibôdle bi nkôôga.”
“Ngandak bapôdôl ba bitembee y’a telep, i yumus ki ngandak bôt; inyule liyanmbén l’a bôl, gwéha i libim li bôt y’a sune.”
“I ngéda n’a nok mbimba i gwét ni manwin ma gwét, ni kon bañ woñi; i mam mana ma nlama bôña, ndi hala a yé ngi ba lisuk.”
“Nyeñg disi ikeñi y’a ba, yak njal ikeñi ni dimala bi ga ba bahoma bahoma; mam ma nkônha woñi m’a ba, yak biyimbne bikeñi bi lôlak i ngii.”
“Ndi yi le, i dilo di nsôk, mangéda m’a ba mabe, ma bak ki nledek kiyaga. Inyule bôt b’a gwés ndik bomede, ba gwéhék moni, ba bak bôt ba ngôk, bôt ba humbulnyuu, baôbôs môl, bandogbene bagwal bap, bôt ba nyi bé ti mayéga, bôt ba ba ta bé maliga, ba ban-ga bé gwéha lisañ li bôt, ba bak bôt ba ngwés bé nôgla ni bape, bôt ba minsohi, bôt ba ba gwé bé hôtnyuu, bôt ba miñem mimbe, baoo mam malam, baliibana bôt, bôt ba ño mbe, bôt ba ba yôni ni ngôk, bôt ba ba ngwés ba ntuk niñ iloole ba gwés Nyambe, ba nene wengoñle ba ntéñbe i gwélél Nyambe ndi maboñok map ma ñunda bé le ba ntéñbe ni nye.”
