Manyodi 28:1-43

AÑ NI

Mambot ma biprisi (1-5)
Éfôd (6-14)
Hultôl (15-30)
- Urim ni Tumim (30)
Mbôñgô mbot u u gwé bé binam (31-35)
Yañsi ni libam li gôl (36-39)
Mambot ma biprisi mape (40-43)

28 “Ikété bon ba Israel, u ga sébél manyuñ Arôn lôñni bon bé bôlôm le ba gwélél me nson u prisi:+ Arôn+ lôñni Nadab bo Abihu,+ Éléazar bo Itamar,+ bon bôlôm ba Arôn.+ ² U ga boñ mambot mapubhaga inyu manyuñ Arôn, inyu lipém ni inyu bilama.+ ³ U ga pôdôs bôt ba likeñge* bobasôna, ba me mal yônôs ni mbuu u pék,+ ba ga boñ mambot inyu Arôn inyu boñ le a ba mpubhaga, le ndi a gwélél me nson u prisi. ⁴ “I mambot mana mon ba ga boñ: hultôl,+ éfôd,*+ mbôñgô mbot u u gwé bé binam,+ mbôñgô mbot umpe ntéñék maniga-maniga,*+ yañsi, ni libadô;+ ba ga boñ mana mambot mapubhaga inyu manyuñ Arôn ni bon bé bôlôm, le ndi ba gwélél me nson u prisi. ⁵ Bôt ba likeñge ba ga gwélél gôl, bôñgô i i yé mangoñ,* bôñgô i mahuu ma ntômba i i yé wedewede,* bôñgô i i nkôyôp tjôôm, ni loñge bôñgô.* ⁶ “Inyu boñ éfôd,* ba ga gwélél gôl, bôñgô i i yé mangoñ,* bôñgô i mahuu ma ntômba i i yé wedewede,* bôñgô i i nkôyôp tjôôm, ni nkébék loñge bôñgô; ba mage+ yosôna. ⁷ Éfôd* i ga bana bipisis biba bi mabadô i bituu bi bi ñat masuk mé mo ima. ⁸ Mbagak ngôli*+ u u yé ntéñék i éfôd* inyu gwel yo u nlama bôña ni minlélém mi bisélél, hala wee gôl, bôñgô i i yé mangoñ,* bôñgô i mahuu ma ntômba i i yé wedewede,* bôñgô i i nkôyôp tjôôm, ni nkébék loñge bôñgô. ⁹ “U ga yoñ ngok ônix iba,+ u kédél môl ma bon bôlôm ba Israel+ mu ngii yap, ¹⁰ môl masamal mu ngok yada, môl masamal ki mu ngok ipe, inoñnaga ni bimañ gwap. ¹¹ I mut a mbéna kédél ngok a ga kédél môl ma bon bôlôm ba Israel mu ngok i yo iba kiki a nkédél béndél.+ I mbus, u ga som ngok mu bipañgbene bi gôl. ¹² U ga bii i ngok i yo iba i ngii bipisis bi mabadô bi bi yé i bituu bi éfôd,* le i ba ngok mbigda inyu bon ba Israel;+ Arôn a ga begee môl ma bon bôlôm ba Israel i bisu bi Yéhôva, mu bipisis bi mabadô bi bi yé nye i bituu le i ba mbigda. ¹³ U ga boñ bipañgbene bi gôl ¹⁴ ni minsañ ima mi bañga gôl nkébék kiki nkôô,+ u téñ minkébék mi minsañ mu bipañgbene.+ ¹⁵ “U ga kal i mut a mage gwom le a boñ hultôl mbagi.+ I nlama ba kiki éfôd,* hala wee ni gôl, ni bôñgô i i yé mangoñ, ni bôñgô i mahuu ma ntômba i i yé wedewede, ni bôñgô i i nkôyôp tjôôm, ni nkébék loñge bôñgô.+ ¹⁶ I ngéda ba mbôk yo, bipes gwé gwo bina bi nlama ap nlélém, i ga ap nsamblak libai li woo* jada, pôk yé i bak libai li woo jada. ¹⁷ U nlama éde mimpañgak mi ngok mu, u boñ minlôñ mi ngok mina. Nlôñ u bisu: rubi, tôpasô, ni émérôd. ¹⁸ Nlôñ u nyônôs iba: turkuas, safirô, ni yaspi. ¹⁹ Nlôñ u nyônôs aa: ngok léshem,* agat, ni amétistô. ²⁰ Nlôñ u nyônôs ina: krisôlitô, ônix, ni jad. Ba ga som yo mu bipañgbene bi gôl. ²¹ Ngok i ga bana môl ma 12 bon bôlôm ba Israel. Ba ga kédél hiki ngok kiki ba nkédél béndél, hiki ngok i ga bana jôl li litén jada ikété 12 matén. ²² “U ga kép minsañ mi hultôl, kiki ba nkép minkôô mi bañga gôl.+ ²³ U ga boñ bisômôl bi gôl biba inyu hultôl, u ha gwo i makas ima ma hultôl. ²⁴ U ga tégbaha minkôô ima mi gôl ikété bisômôl biba bi bi yé i makas ima ma hultôl. ²⁵ U ga tégbaha masuk ima ma minkôô ima mu bipañgbene biba, u kañ nwo i bipisis bi bi yé mu bituu bi éfôd,* i bisu gwé. ²⁶ I mbus hultôl, u ga boñ bisômôl bi gôl biba, u ha gwo i makas mé ima ma ma yé isi, i ngii éfôd.*+ ²⁷ I bisu bi éfôd,* nyoo isi bipisis biba bi bi yé mu bituu bi éfôd, bebee ni homa gwom bi ñadba, i ngii mbagak ngôli* éfôd,+ u ga boñ ki bisômôl biba bi gôl. ²⁸ Nkôô u u yé mangoñ u ga gwel hultôl, won u ga gwel bisômôl bi hultôl ni bisômôl bi éfôd.* Hala a ga boñ le hultôl i yégle i niñi mu éfôd, i ngii mbagak ngôli.* ²⁹ “Arôn a nlama begee môl ma bon bôlôm ba Israel mu tôl* yé, i ngii hultôl mbagi, i ngéda a ga jôp i Homa mpubhaga kiki mbigda inyu ngéda yosôna i bisu bi Yéhôva. ³⁰ U ga bii Urim ni Tumim*+ ikété hultôl mbagi, bi nlama ba mu tôl* Arôn i ngéda a ga jôp i bisu bi Yéhôva, Arôn a ga begee i gwom bi mu tôl* yé i bisu bi Yéhôva ngéda yosôna inyu kéés bon ba Israel. ³¹ “U ga boñ mbôñgô mbot u éfôd* u u gwé bé binam, i bak ni bôñgô i i yé mangoñ.+ ³² Lipondo li ga ba i ngii,* ha i ñemkété u mbôñgô mbot. I mut a mbak gwom nyen a ga bak mapañ momasôna ma lipondo. Lipondo li ga ba kiki lipondo li kôti kei, inyu boñ le mbot i wéhi bañ. ³³ Homa nyensôna i lisuk li mbôñgô mbot, u ga boñ matam ma grénad ni bôñgô i i yé mangoñ, ni bôñgô i mahuu ma ntômba i i yé wedewede, ni bôñgô i i nkôyôp tjôôm; u ga ha mangeñee ma gôl ipôla matam ma grénad. ³⁴ U ga noña lingeñee jada li gôl ni litam li grénad jada, lingeñee jada li gôl ni litam li grénad jada, homa nyensôna i lisuk li mbôñgô mbot u u gwé bé binam. ³⁵ I mbot i yon Arôn a nlama haba le ndi a gwel nson, liyôgbe li mangeñee li ga nôga i ngéda a ga jôp ni i ngéda a ga pam i homa mpubhaga i bisu bi Yéhôva, inyu boñ le a wo bañ.+ ³⁶ “U ga gwélél bañga gôl inyu boñ hibambha hi gôl hi hi mbai, u kédél mu ngii kiki ba nkédél béndél, le: ‘Libak lipubi li yé li Yéhôva.’+ ³⁷ U nlama téñ hibambha mu yañsi+ ni nkôô u u yé mangoñ; hi ga ba i bisu bi yañsi. ³⁸ Hi ga ba i mbom Arôn, Arôn a ga begee béba i mut a mboñ hihôha ikolba gwom bipubhaga,+ gwon bon ba Israel ba mpubus i ngéda ba nti gwo kiki makébla mapubhaga. Hi nlama yégle i mbom yé ngéda yosôna, le ndi ba lémél Yéhôva. ³⁹ “U ga gwélél loñge bôñgô* inyu bak mbôñgô mbot ntéñék maniga-maniga,* u ga boñ yañsi ni loñge bôñgô, u boñ ki mbagak libadô.+ ⁴⁰ “U ga boñ ki mimbôñgô mi mambot, mabadô, ni dikôtô inyu bon ba Arôn,+ inyu lipém ni inyu bilama.+ ⁴¹ U ga ha manyuñ Arôn ni bon bé bôlôm mambot, u hoo bo,+ u téé bo,*+ u yilha ki bo bapubhaga, le ndi ba gwélél me nson u prisi. ⁴² Bôñôl ki bo minkanda ni loñge bôñgô* inyu hô nso+ wap. Mi ga ke ibôdôl i bôbôk ipam i mabel. ⁴³ Arôn ni bon bé bôlôm ba nlama haba mambot mana i ngéda ba njôp i ndap libadô i likoda tole i ngéda ba ga tiige bebee ni juu li bisesema inyu gwel nson i homa mpubhaga, le ba begee bañ béba, to wo ba wo bañ. I litéak lini li ga nom i boga ni boga inyu yé ni inyu mbôda* yé i mbus yé.