«Dua ümidsizliyin və ruh düşkünlüyünün ən güclü dərmanıdır»

PLAY

2026-cı il 9 iyun tarixində Xantı-Mansi Muxtar Mahalı—Yuqranın Surqut Şəhər Məhkəməsi qardaşlarımız Roman Xorikov, Yuri Xorikov və Kirill Severinçiki təqsirli bilərək Roman altı il dörd ay, Yurini altı il altı ay və Kirilli dörd il müddətinə şərti həbs cəzasına məhkum etdi.

Qardaşlarımız barədə məlumat

Roman Xorikov

Doğulduğu il: 1988 (Surqut)

Vəftiz olunduğu il: 2009

Qısa məlumat: Avtomobil təmirçisi işləyib. 2020-ci ildə Filiya ilə evlənib. Atası Yuri eyni cinayət işi üzrə məhkum olunub.

İttiham olunur: Ekstremist təşkilatın fəaliyyətinin təşkili və maliyyələşdirilməsində

Hökm: Altı il dörd ay müddətinə şərti həbs cəzası

Müsahibə

Bu çətin vəziyyətdə tab gətirməyə sənə nə kömək edir?

Bütün bu vaxt ərzində özümü sanki əl-qolum bağlanmış kimi hiss edirdim, çünki hər an evimizdə axtarış aparılacağını, ittiham olunacağımı, məhkəmə prosesinin başlanmasını və nəhayət, hökmün çıxarılmasını gözləyirdim. Bu qeyri-müəyyənlik məni çox sıxırdı. Lakin gördüm ki, dua ümidsizliyin və ruh düşkünlüyünün ən güclü dərmanıdır. Bütün fikirlərimi, hisslərimi Yehova ilə bölüşürəm, sonra isə Onun dualarıma necə cavab verdiyini görməyə çalışıram. Bu, diqqətimi Yehovada cəmləməyə kömək edir və qəlbimə elə bir rahatlıq yaranır ki, onu heç kim əlimdən ala bilməz.

Yuri Xorikov

Doğulduğu il: 1967 (Sovet İttifaqı)

Vəftiz olunduğu il: 2004

Qısa məlumat: Bank sektorunda çalışıb. 1987-ci ildə İrada ilə evlənib. Onların bir oğlu və bir qızı var. Oğlu Roman eyni cinayət işi üzrə məhkum olunub

İttiham olunur: Ekstremist təşkilatın fəaliyyətinin təşkili və maliyyələşdirilməsində

Hökm: Altı il altı ay müddətinə şərti həbs cəzası

Müsahibə

Müsbət düşüncə və hissləri qorumağa sənə nə kömək edir?

Məsəllər 24:10 ayəsində deyilir: «Dar gündə ruhdan düşsən, gücün tükənər». Bilirəm ki, möhkəm qalmaq olduqca vacibdir, buna görə də daima çalışıram müsbət əhval-ruhiyyəmi qoruyum. Diqqəti ümidimə cəmləmək böyük əhəmiyyət daşıyır. Özümə tez-tez axırzamanın lap sonunda yaşadığımızı və bu çətinliklərin yaxın bir zamanda bitəcəyini xatırladıram. Hər gün hisslərimi Yehova ilə bölüşmək mənə rahatlıq gətirir. Mən həmçinin həyat yoldaşıma və qızıma da minnətdaram. Onların sözdə və əməldə göstərdikləri dəstək əvəzsizdir.

Kirill Severinçik

Doğulduğu il: 1997 (Surqut)

Qısa məlumat: Lift üzrə elektromexanik işləyib. Atası Artur Severinçik əvvəl məhkum olunmuş və altı il üç ay müddətinə şərti həbs cəzası almışdı

İttiham olunur: Yehovanın Şahidlərinin ibadət görüşlərində iştirak etməkdə

Hökm: Dörd il müddətinə şərti həbs cəzası

Müsahibə

Başına gələn bu hadisədən nə öyrəndin?

Bu sınaq müddətində əlimdə olmayan çox şey baş verib. Amma düzgün prioritetlər müəyyən etmək mənim ixtiyarımdadır. Dünyadakı vəziyyət günü-gündən pisləşir. Buna görə də çalışıram Müqəddəs Kitabın mütaliəsinə və oxuduğumun üzərində dərindən düşünməyə daha da çox vaxt ayırım. Daima belə etsəm, əminəm ki, Yehova hər zamanı mənimlə olacaq.

Yehovanın Öz xalqının ehtiyaclarından agah olduğunu və onlara hər zaman güc verib kömək etməyə hazır olduğunu bilmək qəlbimizə rahatlıq gətirir (Zəbur 121:3, 4).

Həmçinin bax

DÜNYADAN XƏBƏRLƏR

Yehovanın Şahidlərinin həbsdə olduğu ölkə və ərazilər

Yehovanın Şahidlərinin əqidələrinə və əsas insan hüquqlarından istifadə etdiklərinə görə həbsdə olduğu ölkə və ərazilər. Bəzi ərazilərdə onlar pis şəraitdə saxlanılırlar.