Kontentə keç

İkinci dərəcəli menyu

Mündəricatı göstər

Yehovanın Şahidləri

Azərbaycan

Onlayn Müqəddəs Kitab | MÜQƏDDƏS KİTAB (TÖVRAT, ZƏBUR, İNCİL)

Amus 8:1—14

MÜNDƏRİCAT

  • Bir səbət yay meyvəsi (1—3)

  • Zülmkarlar məhkum edilir (4—14)

    • Ruhani aclıq (11)

8  Külli-İxtiyar Yehova mənə bunu göstərdi: bir səbət yay meyvəsi gördüm.  O, mənə dedi: “Amus, nə görürsən?” Mən dedim: “Bir səbət yay meyvəsi”. Onda Yehova mənə dedi: “Xalqım İsrailin sonu çatıb. Daha onları əfv etməyəcəyəm”.+  Külli-İxtiyar Yehova bəyan edir: “O gün məbəd nəğmələri ah-naləyə dönəcək.+ Hər yanda cəsədlər atılıb qalacaq.+ Sus!”   “Eşidin, siz, ey kasıbı əzənlər, Ölkədəki fağırların məhvinə bais olanlar.+   Siz deyirsiniz: “Bu təzə ay mərasimi+ qurtarsaydı, buğdamızı satardıq. Şənbə+ keçsəydi, taxılımızı satardıq. Çəkini azaldardıq, Qiyməti qaldırardıq, Əyri tərəzi ilə kələk gələrdik.+   Yoxsulu gümüşə, Kasıbı bir cüt səndələ alardıq,+ Taxılın zirzibilini də satardıq”.   Yehova Yaqubun iftixarına and içib deyir:+ “Onların əməllərini heç vaxt unutmayacağam.+   Buna görə ölkə tir-tir əsəcək, Hər bir sakin yas tutacaq.+ Hamı Nilin suları kimi qalxacaq, Misirdəki Nil kimi daşıb çəkiləcək”.+   Külli-İxtiyar Yehova bəyan edir: “O gün elə edəcəyəm ki, günün günorta çağı günəş batacaq, İşıqlı gündə ölkəni zülmətə qərq edəcəyəm.+ 10  Bayramlarınızı yasa,+ Mahnılarınızı ağıya döndərəcəyəm. Bütün bellərə çul bağlayacağam, bütün başları daz edəcəyəm. Yeganə övladı üçün yas tutan adam kimi olacaqlar, O gün acı bir gün olacaq”. 11  Külli-İxtiyar Yehova bəyan edir: “Elə günlər gəlir ki, Mən ölkəyə aclıq göndərəcəyəm. Xalq çörəyə və suya yox, Yehovanın sözlərinə həsrət qalacaq.+ 12  Dənizdən-dənizə Şimaldan şərqə qədər sərgərdan gəzəcəklər. Onlar Yehovanın sözünü axtara-axtara dolaşacaqlar, lakin tapmayacaqlar. 13  O gün gözəl-göyçək qızlar, Cavan oğlanlar susuzluqdan huşunu itirəcək. 14  Onlar Səməriyyənin+ saxta allahlarına and içib deyirlər: “Ey Dan+, sənin allahın haqqı!” “Biir-Səbaya+ gedən yol haqqı!” Onlar hökmən yıxılacaq, bir daha durmayacaqlar!”+

Haşiyələr