Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

Zəbur 65:1—13

MÜNDƏRİCAT

  • Allah Yerə qayğı göstərir

    • «Ey duaları eşidən» (2)

    • Seçdiyin insan nə xoşbəxtdir (4)

    • Allahın kəraməti aşıb-daşır (11)

Dirijora. Davudun məzmuru. 65  Ey Allah, Sionda Səni mədhlər gözləyir,+ Sənə dediyimiz nəzirləri yerinə yetirəcəyik.+   Ey duaları eşidən, hər cür insan hüzuruna gələcək.+   Günahlarım məni üstələdi.+ Lakin Sən təqsirlərimizi əfv edirsən.+   Həyətində yaşamaq üçün seçdiyin, Özünə yaxınlaşdırdığın insan nə xoşbəxtdir.+ Evinin, müqəddəs məbədinin+ Nemətləri ilə doyarıq.+   Möhtəşəm, haqq işlərinlə+ bizə hay verərsən, Ey nicatımızın Allahı, Dünyanın hüdudlarında, Uzaqlarda, dənizin o tayında yaşayanların güvəncisən!+   Gücünlə dağları bərkitmisən, Qüdrətinə qurşanmısan.+   Uğuldayan dənizləri,+ Guruldayan dalğaları, çaxnaşan xalqları ram edirsən.+   Göstərdiyin əlamətlər dünyanın ucqarlarında yaşayanları lərzəyə salar;+ Gündoğandan günbatana kimi hər kəsə şənlik verərsən.   Sən Yerə qayğı göstərirsən, Onu naz-nemətlə doldurursan.+ Ey Allah, çayların gursuludur, İnsanın çörəyini Sən yetirirsən.+ Bəli, Yeri bu cür qurmusan. 10  Torpağın şırımlarını sulayır, şumunu hamarlayırsan, Gur yağışlarla torpağı yumşaldır, cücərtilərinə bərəkət verirsən.+ 11  Kəramətinlə ilin başına tac qoyursan, Ləpirlərin naz-nemətlə aşıb-daşır.+ 12  Çöl-çəməndən bərəkət axır,+ Təpələr şənlik donu geyinib.+ 13  Sürülər otlaqlara yayılıb, Düzlərə başdan-başa taxıldan xalı salınıb.+ Onlar sevincdən haray salıb nəğmə deyirlər.+

Haşiyələr