Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

Mikə 3:1—12

MÜNDƏRİCAT

  • Başçılar və peyğəmbərlər ifşa edilir (1—12)

    • Mikə güc-qüvvətlə dolur (8)

    • Kahinlər haqq alıb öyrədir (11)

    • Yerusəlim daş qalağına çevriləcək (12)

3  Mən dedim: «Eşidin, ey Yaqub başçıları, Ey İsrail evinin rəhbərləri!+ Məgər haqq-ədaləti bilmək sizin işiniz deyil?   Siz isə yaxşılığa nifrət edib+ yamanlığı sevirsiniz+. Siz xalqımın dərisini soyursunuz, ətini sümükdən qoparırsınız.+   Siz xalqımın ətini yeyirsiniz,+ Dərisini soyur, sümüyünü qırırsınız.+ Onları cəmdək kimi, Qazan-tavaya atılan ət kimi doğrayırsınız.   O gün onlar Yehovadan imdad diləyəcəklər, Fəqət O cavab verməyəcək. O zaman onlardan üz döndərəcək,+ Çünki onların əməlləri şərdir.+   Xalqımı azdıran peyğəmbərlər+ dişləri ilə gəmirə-gəmirə*+ “Sülh!”+ — deyib car çəkirlər, ağızlarına bir şey qoymayana müharibə elan edirlər. Yehova onlar haqda belə deyir:   “Üzərinizə gecə çökəcək,+ vəhy almayacaqsınız,+ Qaranlıq çökəcək, falçılıq etməyəcəksiniz. Peyğəmbərlər üçün günəş batacaq, Gündüz qaranlığa dönəcək.+   Görücülər xəcil olacaq,+ Falçılar məyus olacaq, Hamısı ağzını* örtəcək, Çünki Allahdan cavab gəlməyəcək”».   Mən isə Yehovanın ruhu sayəsində güc-qüvvətlə, Ədalətlə, cəsarətlə dolmuşam ki, Yaquba asiliyini, İsrailə günahını bildirim.   Dinləyin, ey Yaqub evinin başçıları, Ey İsrail evinin rəhbərləri!+ Siz ədalətdən ikrah edir, hər düzlüyü əyirsiniz,+ 10  Sionu qan üstündə tikir, Yerusəlimi haqsızlıqla inşa edirsiniz.+ 11  Onun başçıları rüşvətlə hökm verir,+ Kahinləri haqq alıb öyrədir,+ Peyğəmbərləri pulla falçılıq edir.+ Bununla belə, Yehovaya arxalanıb* deyirlər: «Yehova bizimlədir,+ Xata-bala bizdən yan keçər!»+ 12  Buna görə də sizin üzünüzdən Sion tarla kimi şumlanacaq, Yerusəlim daş qalağına çevriləcək,+ Allahın evinin durduğu dağ meşəliyə dönəcək.+

Haşiyələr

Digər variant: xalqımı azdıran peyğəmbərlər yeməyə bir şeyləri olanda.
Yaxud bığını.
Yaxud Yehovaya arxalandıqlarını söyləyib.