Kontentə keç

İkinci dərəcəli menyu

Mündəricatı göstər

Yehovanın Şahidləri

Azərbaycan

Onlayn Müqəddəs Kitab | MÜQƏDDƏS KİTAB (TÖVRAT, ZƏBUR, İNCİL)

Məsəllər 7:1—27

MÜNDƏRİCAT

  • Allahın əmrləri və uzun ömür (1—5)

  • Qadın naşı cavanı tovlayır (6—27)

    • Kəsilməyə gedən buğa kimi (22)

7  Oğlum, qoy sözlərim qulağında qalsın,Əmrlərimi qoruyub saxla.+   Əmrlərimə bağlı qal ki, ömrün uzun olsun,+Nəsihətimi* göz bəbəyin kimi qoru.   Onları barmaqlarına sarı,Ürəyinin lövhəsinə köçür.+   Hikmətə: «Bacımsan», — de, Dərrakəyə: «Əqrəbamsan», — söylə.   Onda onlar səni pozğun qadından qoruyar,+Əxlaqsız qadından, onun şirin dilindən saxlar.+   Evimin pəncərəsindən,Şəbəkə arxasından aşağı baxıb   Naşı gənclərə tamaşa edirdim.Onların arasında ağılsız bir cavan diqqətimi cəlb etdi.+   O, həmin qadının evinin tinindən keçirdi,Onun evinə tərəf gedirdi.   Qaş qaralır, axşam düşürdü,+Gecənin zülməti yaxınlaşırdı. 10  Baxıb gördüm ki, fahişə libaslı,+ ürəyi fənd-fellə doluBir qadın onun qabağına çıxdı. 11  O, hay-küyçüdür, həyasızdır,+ Ayağı evə yığılmır. 12  Gah küçələrə, gah meydanlara çıxır,Hər tinin başında pusqu qurur.+ 13  O, oğlanı tutub öpdü,Arsız-arsız dedi: 14  «Yandırma qurbanı kəsməli idim.+ Bu gün nəzirimi yerinə yetirdim. 15  Ona görə də pişvazına çıxdım,Səni axtarıb tapdım. 16  Çarpayıma zərif örtüklər,Əlvan Misir kətanı sərmişəm.+ 17  Yatağıma mürr, əzvay, darçın səpmişəm.+ 18  Gəl eşq badəsini sübhədək içək,Sevgi atəşi ilə alovlanaq. 19  Ərim evdə yoxdur,Uzaq səfərə çıxıb. 20  Pul kisəsini götürüb,Bir də ay bədirlənəndə qayıdacaq». 21  Qadın dil töküb cavanı tovladı,+ Şirin dillə onu yoldan çıxartdı. 22  Cavan da kəsilməyə gedən buğa kimi,Kündəyə salınıb cəzalandırılan axmaq kimi, onun ardınca getdi.+ 23  Axırda ciyərinə ox saplanacaq.O, quş kimi tora düşməyə tələsir, bilmir ki, canı alınacaq.+ 24  Ey oğullarım, sözlərimə qulaq verin,Dediklərimə diqqət kəsilin. 25  Məbada ürəyin o qadının yollarına meyil salsın, Məbada onun keçdiyi yola qədəm qoyasan.+ 26  Çünki o, neçəsini məhv edib.+Tələf etdiyi adamların sayı-hesabı yoxdur.+ 27  Onun evi Məzara* aparır,Ölümün dərin otaqlarına gedib çıxır.

Haşiyələr

Yaxud qanunumu.
İbr. şeol. Lüğətə bax.