Kontentə keç

İkinci dərəcəli menyu

Mündəricatı göstər

Yehovanın Şahidləri

Azərbaycan

Onlayn Müqəddəs Kitab | MÜQƏDDƏS KİTAB (TÖVRAT, ZƏBUR, İNCİL)

Məsəllər 31:1—31

MÜNDƏRİCAT

  • LƏMUİL PADŞAHIN KƏLAMLARI (1—31)

    • Yaxşı arvadı kim tapar? (10)

    • İşli-güclü, zəhmətkeş (17)

    • Xeyirxahlıq qanunu dilindədir (26)

    • Övladları və əri onu təriflər (28)

    • Məlahət və gözəllik keçib gedəndir (30)

31  Ləmuil padşahın sözləri. Anasının öyüd verərək ona söylədiyi kəlamlar.+   Nə söyləyim sənə, oğul? Ey bətnimdən çıxan, Ey nəzir-niyazla tapdığım oğul!+   Gücünü qadınlara vermə,+ Padşahları yıxan yolla getmə.+   Padşahlara yaraşmaz, ey Ləmuil, Şərab içmək padşahlara yaraşmaz. «Hanı içki?» — demək rəhbərə layiq deyil.+   Yoxsa içib fərmanı unudarlar, Fağırın haqqını tapdalayarlar.   İçkini məhv olanlara,+ Şərabı dərdi olanlara ver.+   Qoy içib yoxsulluqlarını unutsunlar, Bir də dərdlərini yada salmasınlar.   Dilsiz-ağızsızların müdafiəsinə qalx, Məhv olanların haqqını qoru.+   Onların müdafiəsinə qalx, ədalətlə hökm et, Məzlumların, yoxsulların haqqını qoru.+ א [Alef] 10  Yaxşı arvadı kim tapar?+ O, ləl-cəvahiratdan da qiymətlidir. ב [Bet] 11  Ərinin ürəyi ondan arxayındır. Korluq nədir, bilməz. ג [Qimel] 12  O, ömrü boyu Ərinin qabağına şər yox, xeyir çıxarar. ד [Dalet] 13  Yun və kətan axtarıb tapar, Hər işə həvəslə əl atar.+ ה [He] 14  O, tacir gəmiləri kimidir,+ Uzaqlardan azuqə gətirər. ו [Vav] 15  Alaqaranlıqda qalxar, Ailəsinə yemək hazırlar, Kənizlərinə də yemək paylar.+ ז [Zayn] 16  Tarlaya baxıb sonra alar, Əlinin zəhməti ilə üzümlük salar. ח [Xet] 17  İş görməyə hazırlaşır,+ Qollarına qüvvət verir. ט [Tet] 18  Alış-verişinin xeyrini görər, Gecələr də çırağı sönməz. י [Yud] 19  Əlləri cəhrə əyirər, Mili ovcunda tutar.+ כ [Kaf] 20  Məzlumlar üçün əli açıqdır, Kasıba əl tutar.+ ל [Lamed] 21  Qar yağanda ailəsinə görə narahat olmaz, Çünki hamısının isti paltarı var. מ [Mem] 22  Çarpayısı üçün örtük toxuyar, Kətandan, bənövşəyi yundan libas geyinər. נ [Nun] 23  Əri ağsaqqallarla oturar,+ Şəhər darvazasında yaxşı tanınar. ס [Samex] 24  Qadın kətandan paltar düzəldib satar, Tacirlərə qurşaqlar verər. ע [Ayn] 25  Gücə, əzəmətə bürünər, Sabaha görə ürəyi arxayın olar. פ [Pe] 26  Ağzını hikmətlə açar,+ Xeyirxahlıq qanunu dilindədir. צ [Tsade] 27  Evindəki işlərə nəzarət edər, Müftə çörək yeməz.+ ק [Kof] 28  Övladları qalxıb onu alqışlar, Əri də onu təriflər: ר [Reyş] 29  Yaxşı qadınlar çoxdur, Amma sənin tayın-bərabərin yoxdur. ש [Şin] 30  Məlahət aldadıcıdır, gözəllik keçib gedəndir,+ Yehovadan qorxan qadına isə alqış oxunar.+ ת [Tav] 31  Ona zəhmətinin mükafatını verin,+ Qoy əməyi şəhər darvazasında onu ucaltsın.+

Haşiyələr