Kontentə keç

İkinci dərəcəli menyu

Mündəricatı göstər

Yehovanın Şahidləri

Azərbaycan

Onlayn Müqəddəs Kitab | MÜQƏDDƏS KİTAB (TÖVRAT, ZƏBUR, İNCİL)

Məsəllər 28:1—28

MÜNDƏRİCAT

  • Qanuna qulaq tıxayanın duası iyrəncdir (9)

  • Günahını boynuna alan mərhəmət tapar (13)

  • Tez varlanmaq istəyən təmiz qalmaz (20)

  • Məzəmmət yaltaqlıqdan yaxşıdır (23)

  • Səxavətli adam korluq çəkməz (27)

28  Şər adamı qovan olmasa da qaçar,Saleh isə aslan kimi arxayındır.+   Ölkədə qiyam olanda gündə bir rəhbər olar,+Amma bəsirətli, arif adamın sayəsində rəhbərin hakimiyyəti uzun sürər.+   Məzlumlara fırıldaq gələn kasıb+Bütün azuqəni yuyub aparan leysana bənzər.   Qanunu saymayanlar şər adamı ucaldar,Qanuna əməl edənlərsə onlara qəzəblənər.+   Şər adamlar ədalət nədir bilməz,Amma Yehovanı axtaran kəslər hər şeyi dərk edər.+   Kamillik yolu ilə yeriyən kasıb insanYolu əyri varlıdan yaxşıdır.+   Dərrakəli oğul qanuna əməl edər,Qarınqululara yoldaş olan isə atasını rüsvay edər.+   Sələmlə, müamilə ilə, sərvət yığanın+ varıKasıba səxavət göstərənə qalar.+   Kim ki qulağını tıxayıb qanunu eşitmirOnun duası da iyrəncdir.+ 10  Düz adamı pis yola çəkən qazdığı quyuya özü düşər,+Kamillərin isə nəsibi xeyir olar.+ 11  Varlı adam öz gözündə hikmətli görünər,+Amma bəsirətli kasıb onun ürəyini oxuyar.+ 12  Salehlərin zəfəri alqışlanar,Amma pislər hakimiyyətə gələndə xalq gizlənər.+ 13  Günahlarını ört-basdır edən xeyir tapmaz,+Günahını boynuna alıb ondan əl çəkənə rəhm edilər.+ 14  Həmişə gözdə-qulaqda olan kəs bəxtiyardır,Amma ürəyini inadkar edən bədbəxtliyə düçar olar.+ 15  Məzlum xalqın üzərindəki rəhmsiz hökmdarNərildəyən aslana, qızışmış ayıya bənzər.+ 16  Bəsirətsiz rəhbər mənsəbindən sui-istifadə edər,+Haram qazanca nifrət edənin ömrü uzun olar.+ 17  Qana bais olan qəbrəcən qaçar.+ Qoy heç kim ona kömək eləməsin. 18  Kamillik yolu ilə gedən qurtular,+Amma əyri yolun yolçusu qəfil yıxılar.+ 19  Torpağını əkib-becərənin çörəyi bol olar,Amma boş şeylərin dalınca düşən müflisləşər.+ 20  Sadiq insanın xeyir-bərəkəti olar.+Tez varlanmaq istəyən təmiz qalmaz.+ 21  Üzgörənlik yaxşı deyil.+Bir tikə çörəkdən ötrü insan xəta törədə bilər. 22  Paxıl* adamın var-dövlətdən ötrü ürəyi gedir,Daha bilmir ki, yoxsulluq onu yaxalayacaq. 23  İnsana səhvini göstərən kəs+Yaltaqlanan adamdan çox lütf tapar.+ 24  Ata-anasını soyub: «Bu günah deyil», deyən+ Qarətçilərə yoldaşdır.+ 25  Tamahkar* ixtilaf yaradar,Amma Yehovaya güvənənin güzəranı xoş olar.+ 26  Öz ürəyinə etibar edən axmaqdır,+Hikmətlə yeriyən isə salamat qalar.+ 27  Yoxsullara əl tutan korluq çəkməz,+Amma gözünü onlardan qaçıran lənət yiyəsi olar. 28  Pislər hakimiyyətə gələndə xalq gizlənər,Amma onlar yox olanda salehlər çoxalar.+

Haşiyələr

Yaxud acgöz.
Digər variant: qürurlu insan.