Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

Məsəllər 12:1—28

MÜNDƏRİCAT

  • Məzəmmətə nifrət edən ağılsızdır (1)

  • Düşünülməmiş söz — qılınc zərbəsi (18)

  • Sülhpərvərin ürəyi şad olar (20)

  • Yehova yalan dildən ikrah edir (22)

  • Nigarançılıq ürəyi sıxır (25)

12  Tərbiyəni sevən biliyi sevər,+ Məzəmmətə nifrət edən ağılsızdır!+   Yehova yaxşı adamdan razı qalar, Fitnəkarı isə məhkum edər.+   İnsan şərlə bərqərar olmaz,+ Salehin isə kökü qoparılmaz.   Yaxşı arvad ərinin başına tacdır,+ Adbatıran arvad isə ərinin sümüklərini çürüdər.+   Salehin düşüncələri haqdır, Şərin məsləhəti isə məkrlidir.   Şərin sözləri ölüm pusqusudur,+ Düz adamın dili isə qurtuluşdur.+   Pislər devriləndə yox olar, Salehlərin evi isə möhkəm durar.+   Ağılla danışan tərif qazanar,+ Qəlbi əyriyə isə həqarət edilər.+   Qul sahibi olan adsız-sansız adam Yeməyə çörək tapmayan lovğadan yaxşıdır.+ 10  Saleh adam heyvanlarının da qayğısına qalar,+ Şər adamın mərhəmətində belə, zalımlıq var. 11  Torpağını əkib-becərən doyunca çörək yeyər,+ Ağılsız isə boş şeylərin dalınca düşər. 12  Pis pisin şikarına qibtə edər, Salehin kökü isə bəhrə verər. 13  Şər adamı zəhərli dili tora salar,+ Saleh isə dardan qurtular. 14  Dili xeyir danışan xeyir tapar,+ O, zəhmətinin mükafatını alar. 15  Axmağın yolu öz gözündə düz görünür,+ Ağıllı adam isə məsləhəti eşidər.+ 16  Səfeh hirsini dərhal büruzə verər,+ Uzaqgörən isə təhqirin üstündən keçər. 17  Doğru şahid həqiqəti söylər, Yalançı şahid isə yalan danışar. 18  Düşünmədən deyilən söz qılınc zərbəsinə bənzər, Hikmətli insanın dili isə məlhəmdir.+ 19  Düz söz əbədi yaşar,+ Yalanın ömrü isə bir an olar.+ 20  Fitnə quranın ürəyində məkr var, Sülhpərvərin isə ürəyi şad olar.+ 21  Salehə heç bir xətər dəyməz,+ Şər adamların isə başı bəladan qurtulmaz.+ 22  Yehova yalan danışan dildən ikrah edir,+ Haqq iş sahibi isə Onun ürəyincədir. 23  Uzaqgörən bildiyini açıb tökməz, Axmağın isə ürəyi səfehliyini üzə verər.+ 24  Çalışqan ağalıq edər,+ Tənbəl isə nökərçilik.+ 25  Nigarançılıq ürəyi sıxar,+ Xoş söz könlü şad edər.+ 26  Saleh adam otlaqlarını yoxlayar, Amma şərin yolu onu azdırar. 27  Tənbəl ovunu izləməz,+ Çalışqanlıq isə böyük sərvətdir. 28  Salehlik yolu həyata aparır,+ Bu yolda ölüm yoxdur.

Haşiyələr