Kontentə keç

İkinci dərəcəli menyu

Mündəricatı göstər

Yehovanın Şahidləri

Azərbaycan

Onlayn Müqəddəs Kitab | MÜQƏDDƏS KİTAB (TÖVRAT, ZƏBUR, İNCİL)

Huşə 4:1—19

MÜNDƏRİCAT

  • Yehovanın İsraillə çəkdiyi haqq-hesab (1—8)

    • Məmləkətdə Allahı tanımırlar (1)

  • İsrailin bütpərəstliyi və pozğunluğu (9—19)

    • Yoldan çıxaran pozğunluq ruhu (12)

4  Ey İsrail xalqı, Yehovanın sözünü dinlə. Yehova bu diyarın sakinləri ilə haqq-hesab çəkəcək.+ Çünki bu məmləkətdə nə həqiqət var, nə xeyirxahlıq, burada Allahı tanımırlar.+   Saxta and, yalan+, qatillik+, Oğurluq, zinakarlıq+ baş alıb gedir, Qan su yerinə axır.+   Buna görə diyar yas tutacaq,+ Buranın sakinləri haldan düşəcək. Çöl heyvanları, göydəki quşlar, Hətta dənizdəki balıqlar tələf olacaq.   «Qoy heç kəs mübahisə etməsin, biri digərini danlamasın,+ Çünki xalqın kahinlə söz güləşdirənlərə oxşayır.+   Sən günün günorta çağı büdrəyəcəksən, Gecə imiş kimi peyğəmbər də səninlə birgə büdrəyəcək. Sənin ananı məhv edəcəyəm.   Xalqım Məni tanımadığı üçün məhv olacaq. Madam ki sən biliyi rədd etdin,+ Mən də səni bir kahinim kimi rədd edəcəyəm. Madam ki Allahının qanununu unutdun,+ Mən də sənin övladlarını unudacağam.   Kahinlər çoxaldıqca, Mənə qarşı günahlarını da çoxaltdılar.+ Mən onların şərəfini bişərəfliyə çevirəcəyəm*.   Onlar xalqımın günahı ilə bəslənir, Onun cinayət etməsini arzulayırlar.   Kahinin başına gələn xalqın da başına gələcək, Tutduqları yola görə onlardan haqq-hesab soracağam, Əməllərinin əvəzini verəcəyəm.+ 10  Yeyəcəklər, lakin doymayacaqlar.+ Pozğunluq edəcəklər, lakin artmayacaqlar.+ Çünki Yehovaya etina etmədilər. 11  Fahişəlik, mey və təzə şərab Yaxşı niyyətləri məhv edir.+ 12  Mənim xalqım taxta bütlərinə müraciət edir, Əsalarının* sözü ilə oturub-dururlar. Çünki pozğunluq ruhu onları yoldan çıxarır, Pozğunluqlarına görə öz Allahlarına tabe olmurlar. 13  Dağların başında qurban kəsirlər,+ Təpələrdə, palıd, ayıfındığı ağaclarının, hər iri ağacın altında+ Qurban tüstüsü təqdim edirlər, Çünki onların gözəl kölgəsi var. Buna görə qızlarınız fahişəlik, Gəlinləriniz zina edir. 14  Mən qız-gəlinlərinizdən fahişəlik, Zina etdikləri üçün hesabat sormayacağam. Çünki kişiləriniz fahişələrlə xəlvətə çəkilir, Məbəd fahişələrilə birgə qurban gətirirlər. Bu cür düşüncəsiz xalq+ məhv olacaq. 15  Ey İsrail, sən pozğunluq eləyirsən elə,+ Barı Yəhuda günah işləməsin.+ Gilqala+ getməyin, Beyt-Avenə+ qalxmayın, “Yehovaya and olsun!” — deyib and içməyin.+ 16  İsrail tərs inək kimi inad edir.+ Heç Yehova onları toğlu kimi geniş otlaqda otarar? 17  Əfraim bütlərdən yapışıb.+ Eybi yox! 18  Pivələri qurtaranda Pozğunluğa qurşanırlar. Onların başçıları binamusluğu sevir.+ 19  Külək onu qanadları ilə sovuracaq. Qurbanlarından ötrü xəcalət çəkəcəklər».

Haşiyələr

Digər variant: Mənim şərəfimi bişərəfliyə dəyişdilər.
Falçı əsası.