Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

Huşə 11:1—12

MÜNDƏRİCAT

  • İsrail uşaq ikən Allah onu sevdi (1—12)

    • Oğlumu Misirdən çağırdım (1)

11  «İsrail uşaq ikən onu sevdim,+ Oğlumu Misirdən çağırdım.+   İsraili hey çağırdılar*, O isə hey uzaqlaşdı.+ Baal bütlərinə qurban gətirdi,+ Oyma bütlərə qurban təqdim etdi.+   Halbuki Əfraimə yeriməyi Mən öyrətdim,+ onu qucağıma aldım.+ O başa düşmədi ki, ona şəfa verən Mən idim.   Mən onu xeyirxahlıqla, məhəbbətlə* yönəltdim.+ Mən onun boynundan* boyunduruğu çıxartdım, Hər birinə şəfqətlə yemək gətirdim.   O, Misirə qayıtmayacaq, ancaq onun padşahı Aşşur olacaq,+ Çünki Mənə sarı dönmək istəmədi.+   Fitnələrinə görə şəhərlərinə qarşı qılınc oynadacaqlar,+ Qapı rəzələrini sındıracaqlar, onları yeyib-aşıracaqlar.+   Mənim xalqım Mənə xəyanət etməyə meyillidir.+ Onu ali olana* çağırdılar, amma ayağa qalxan yoxdur.   Ey Əfraim, sənə necə qıyım?+ Ey İsrail, səni necə əldən verim? Admaya etdiyimi sənə rəva görərəmmi? Səbuyimə etdiyimi sənə edərəmmi?+ Qəlbimdə duyğular dəyişib, Ürəyimdə şəfqət oyanıb.+   Kükrəyən qəzəbimi tökməyəcəyəm. Yenidən Əfraimi yıxmayacağam.+ Axı Mən Allaham, insan deyiləm, Aranızda olan Müqəddəs Allaham. Üzərinizə qəzəblə gəlməyəcəyəm. 10  Onlar Yehovanın ardınca gedəcəklər və O, aslantək nərə çəkəcək.+ O nərə çəkəndə oğulları qərbdən titrəyə-titrəyə gələcək.+ 11  Misirdən quştək, Aşşur diyarından göyərçintək əsə-əsə gələcəklər.+ Mən onları yurd-yuvalarında məskunlaşdıracağam», — bəyan edir Yehova.+ 12  «Əfraim Məni yalanla, İsrail evi hiylə ilə əhatə edib.+ Ancaq Yəhuda hələ də Allahın yolu ilə gedir*, Müqəddəs Allaha sadiqdir».+

Haşiyələr

Yəni Allahın göndərdiyi peyğəmbərlər və başqaları İsrailə nəsihət verirdilər.
Hərfən: insan ipləri ilə, məhəbbət ipləri ilə. Burada balaca uşağa yeriməyi öyrədərkən istifadə edilən iplər nəzərdə tutulur.
Hərfən: çənəsindən.
Yəni ali dinə.
Yaxud Allahla yeriyir.