Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

Həqqay 1:1—15

MÜNDƏRİCAT

  • Məbəd bərpa olunmadığı üçün məzəmmət (1—11)

    • Rəvadır ki, siz yaraşıqlı evlərdə yaşayasınız? (4)

    • Yollarınız barədə ciddi düşünün (5)

    • Çox əkirsiniz, az götürürsünüz (6)

  • Camaat Yehovaya qulaq asır (12—15)

1  Şah Daranın hakimiyyətinin ikinci ili, altıncı ayın birinci günündə Yəhuda valisi Şəəltiil oğlu Zərubabilə+ və baş kahin Yəhusadiq oğlu Yuşəyə Həqqay*+ peyğəmbər vasitəsilə Yehovanın sözü nazil oldu:  «Ordular Allahı Yehova belə deyir: “Bu xalq deyir ki, Yehovanın evini tikmək vaxtı hələ yetişməyib”».+  Sonra Yehova Həqqay+ peyğəmbər vasitəsilə dedi:  «Rəvadır ki, Mənim evim xaraba qaldığı halda, siz yaraşıqlı evlərdə yaşayasınız?+  İndi ordular Allahı Yehova belə deyir: “Tutduğunuz yollar barədə ciddi düşünün.  Çox əkirsiniz, az götürürsünüz;+ yeyirsiniz, doymursunuz; içirsiniz, məst olmursunuz. Geyinirsiniz, biriniz də isinmirsiniz; muzdur zəhmət haqqını yırtıq kisəyə qoyur”».  «Ordular Allahı Yehova deyir: “Tutduğunuz yollar barədə ciddi düşünün”.  Yehova deyir: “Dağa qalxıb ağac gətirin,+ evimi tikin ki,+ Mən məmnun olum və ucalım”».+  «Ordular Allahı Yehova bəyan edir: “Çox şey umurdunuz, az aldınız, evə gətirdiniz, Mən üfürüb dağıtdım.+ Bilirsiniz nə üçün? Çünki evim xaraba qalıb, siz isə öz eviniz üçün əlləşib-vuruşursunuz.+ 10  Buna görə də göylər şehini, torpaq məhsulunu sizdən kəsib. 11  Mən yerin və dağların üzərinə, taxılın və təzə şərabın üzərinə, yağın üzərinə, torpağın məhsulu üzərinə, insanın və mal-qaranın üzərinə və əllərinizin bütün zəhməti üzərinə quraqlıq göndərirdim”». 12  Beləcə, Şəəltiil oğlu Zərubabil,+ baş kahin Yəhusadiq+ oğlu Yuşə və xalqın sağ qalanları Yehova Allahın sözünə və Allahları Yehovanın göndərdiyi Həqqay peyğəmbərin dediklərinə qulaq asdı. Xalqın ürəyində Yehovaya qarşı qorxu yarandı. 13  Yehovanın elçisi Həqqay Yehovanın tapşırığı ilə xalqa müraciət etdi: «Yehova bəyan edir: “Mən sizinləyəm”».+ 14  Yehova Yəhuda valisi+ Şəəltiil oğlu Zərubabilin, baş kahin Yəhusadiq oğlu Yuşənin+ və xalqın sağ qalanlarının ürəyində həvəs oyatdı+ və onlar özlərinin Allahı, ordular Allahı Yehovanın evində işə başladılar.+ 15  O vaxt şah Daranın hakimiyyətinin ikinci ili, altıncı ayın iyirmi dördüncü günü idi.+

Haşiyələr

Mənası: bayramda doğulan.