Kontentə keç

İkinci dərəcəli menyu

Mündəricatı göstər

Yehovanın Şahidləri

Azərbaycan

Onlayn Müqəddəs Kitab | MÜQƏDDƏS KİTAB (TÖVRAT, ZƏBUR, İNCİL)

Həbquq 2:1—20

MÜNDƏRİCAT

  • «Görüm O, dilimlə nə deyəcək» (1)

  • Yehovanın peyğəmbərə cavabı (2—20)

    • Gözlə, vəhy gerçəkləşəcək (3)

    • Saleh sədaqəti sayəsində yaşayacaq (4)

    • «Vay o kəsin halına ki» (6—20)

      • Dünya Yehova barədə biliklə dolacaq (14)

2  Keşik çəkdiyim yerdə duracağam,+Səddin üstündə yerimi tutacağam. Durub baxacağam, görüm O, mənim dilimlə nə deyəcək,Məni tənbeh edəndə nə cavab verim.   Yehova mənə belə dedi: «Bu vəhyi yaz, lövhələr üzərində aydın həkk et ki,+Oxuyan rahat oxuya bilsin.+   Çünki vaxtı çatanda bu vəhy gerçəkləşəcək,O, icrasına tələsir, yalan çıxmayacaq. Gecikən kimi görünsə belə, onu gözlə,+ Çünki mütləq gerçəkləşəcək. Gecikməyəcək!   Məğrura bax,Onun qəlbi nadürüstdür. Saleh isə sədaqəti* sayəsində yaşayacaq.+   Şərab namərd olduğundanQürurlu adam məqsədinə yetməyəcək. O, Məzar* kimi acgözdür,Ölüm kimi doymaq bilmir. O, bütün xalqları toplayır,Bütün ümmətləri yanına yığır.+   Amma onların hamısı ona məsəllər qoşacaq, eyhamla, atmacayla danışacaq.+ Deyəcəklər: “Vay o kəsin halına ki, özgə malını mənimsəyib yığır,O, ancaq borcunu çoxaldır!Nə vaxtadək?   Elə bilirsən, borclu qaldığın kəslər qəfil üstünə qalxmayacaq? Onlar oyanıb səni möhkəm silkələyəcəklər,Sən onlar üçün qənimət olacaqsan.+   Sən çox xalqları soyduğun üçünQalan xalqlar da səni soyacaq.+Çünki qan tökdün,Torpağa,Şəhərlərə və sakinlərinə zülm etdin.+   Vay o kəsin halına ki, fəlakətdən qurtulmaq üçün,Yuvasını yüksək yerdə qurmaq üçünEvinə haram qazanc gətirir! 10  Sən qəsd qurub öz evini rüsvay etdin, Çox xalqların kökünü kəsməklə özünü günaha batırdın.+ 11  Divar daşı nalə çəkəcək,Ağac tir ona hay verəcək. 12  Vay o kəsin halına ki, şəhəri qan üstündə tikir,Kəndin bünövrəsini haqsızlıq üstündə qoyur! 13  Xalqlar od-alovdan ötrü zəhmət çəkəcək, ümmətlər özlərini boş-boşuna yoracaq.+Bu, ordular Allahı Yehovadan olacaq. 14  Sular dənizi doldurduğu kimi,+Dünya başdan-başa Yehovanın əzəməti barədə biliklə dolacaq. 15  Vay o kəsin halına ki,Yoldaşlarının eyib yerinə baxmaq üçün onları içirdib sərxoş edir,Qəzəb və hiddətini də buna qatır. 16  Sən şərəf əvəzinə rüsvayçılıqla dolacaqsan. Özün də iç, sünnətsiz olduğunu aç göstər*. Yehovanın sağ əlindəki cam gəlib sənə də çatacaq,+Rəzalətin şöhrətini üstələyəcək. 17  Livana etdiyin zülm,Heyvanları dəhşətə salan qırğın sənin öz başına gələcək,Çünki qan tökdün,Torpağa,Şəhərlərə və sakinlərinə zülm etdin.+ 18  İnsan əlinin düzəltdiyi oyma bütün,Tökmə bütün, Yalan öyrədən müəllimin nə xeyri?Bu faydasız allahları düzəldən onlara necə güvənə bilər?Onlar ki dilsiz-ağızsızdır.+ 19  Vay o kəsin halına ki, odun parçasına: “Oyan!” Dilsiz daşa: “Oyan! Bizə yol göstər!” — deyir! Onlar çöldən qızıl-gümüşlə örtülüb,+Lakin içlərində nəfəs yoxdur.+ 20  Yehova isə müqəddəs məbədindədir.+ Ey dünya, Onun önündə sükut et!”»+

Haşiyələr

Digər variant: imanı.
İbr. şeol. Lüğətə bax.
Digər variant: özün də iç, səndirlə.