Kontentə keç

İkinci dərəcəli menyu

Mündəricatı göstər

Yehovanın Şahidləri

Azərbaycan

Onlayn Müqəddəs Kitab | MÜQƏDDƏS KİTAB (TÖVRAT, ZƏBUR, İNCİL)

Həbquq 1:1—17

MÜNDƏRİCAT

  • Peyğəmbərin imdad diləyi (1—4)

    • «Ey Yehova, nə vaxtadək?» (2)

    • Niyə bu zülm-sitəmi götürürsən? (3)

  • Kəldanilər Allahın hökm alətidir (5—11)

  • Peyğəmbər Allaha yalvarır (12—17)

    • Allahım, Sən ölməzsən (12)

    • Sən pisliyə baxmazsan (13)

1  Həbquq* peyğəmbərə vəhydə nazil olan hökm.   Ey Yehova, nə vaxtadək imdad diləyəcəyəm, Sənsə eşitməyəcəksən?+ Nə vaxtadək zülm əlindən dad edəcəyəm, Sənsə qurtarmayacaqsan?+   Niyə bu zülm-sitəmi götürürsən, Niyə qoyursan gözlərim yamanlıq görsün? Gözüm hey viranəlik, zorakılıq görür. Çəkişmələrin, dava-dalaşın ardı-arası kəsilmir.   Buna görə qanun kəsərini itirib,Haqqa, ədalətə yer qalmayıb. Şər adam salehi təkləyir,Buna görə haqq-ədalət əyilib.+   «Xalqlara baxın, diqqətlə baxın! Heyrətlə baxın, mat qalın.Çünki sizin zəmanədə elə bir şey olacaq ki,Sizə danışsalar, inanmazsınız.+   Mən kəldaniləri,Özgə məskənləri zəbt etmək üçün+ Dünyanın ucqarlarına gedib çıxanO amansız və çılğın xalqı ayağa qaldırıram.+   Onlar qorxuncdur, dəhşətlidir. Onlar öz ədalətini, öz hakimiyyətini* bərqərar edir.+   Onlar gecə ova çıxan canavardan azğındır,Atları bəbirdən çevikdir.+ Döyüş atları dördnala çapır,Atları uzaqlardan gəlir. Onlar şikarın üstünə şığıyan qartaltək uçurlar.+   Hamısı zorakılıq məqsədilə gəlir.+ Birləşib irəli gedir, sanki, şərq küləyidirlər,+Əsirləri qum kimi toplayırlar. 10  Bu xalq padşahlara lağ edir,Əyan-əşrəfi məsxərəyə qoyur.+ Hər bir qalaya gülür,+Təpə düzəldib qalanı ələ keçirir. 11  Onlar yel kimi qabağa cumur, ölkəni yarıb keçirlər,Amma təqsirkar çıxacaqlar,+Çünki deyirlər, gücləri allahlarındandır*».+ 12  Ey Yehova, axı Sən əzəldən varsan,+ Pərvərdigara, ey Müqəddəs Allahım, Sən ölməzsən*!+ Ey Yehova, Sən onları hökmünün icrası üçün ayırdın.Ey Qayam,+ Sən onları cəza verməyə təyin etdin.+ 13  Sənin gözlərin o qədər safdır ki, pisliyə baxmazsan,Sən yamanlığı götürə bilmirsən.+ Bəs niyə xainlərə səbir edirsən?+Şər adam özündən yaxşısını udanda niyə susursan?+ 14  Niyə insanı dənizdəki balıqlara,Başçısı olmayan sürünənlərə tay edirsən? 15  Düşmən* onları qarmaqla çəkir, Tora salıb çəkir,Balıqçı toruna toplayır, Sevinib-şadlanır.+ 16  Buna görə toruna qurban kəsir,Balıqçı toruna qurban təqdim edir.Çünki bu torların sayəsində ona yağlı,Əla pay düşür. 17  Axı nə vaxtadək torunu doldurub-boşaldacaq*? Nə vaxtadək xalqları amansızcasına qırıb-tökəcək?+

Haşiyələr

Təxmini mənası: hərarətlə qucaqlamaq.
Yaxud şərəfini.
Digər variant: çünki onların gücü allahlarıdır.
Digər variant: biz ölmərik.
Yəni kəldanilər.
Digər variant: qılıncını sıyıracaq.