Parametrlərin təyini

Dili seçin

İkinci dərəcəli menyu

Mündəricatı göstər

Kontentə keç

Yehovanın Şahidləri

Azərbaycan

Onlayn Müqəddəs Kitab

MÜQƏDDƏS KİTAB (TÖVRAT, ZƏBUR, İNCİL)

Dənyal 7:1—28

MÜNDƏRİCAT

  • Dörd heyvan haqda yuxu (1—8)

    • Balaca buynuz peyda olur (8)

  • «Əzəldən Var Olan əyləşdi» (9—14)

    • İnsan oğlu padşah oldu (13, 14)

  • Dənyala röyaların mənası açılır (15—28)

    • Dörd heyvan dörd padşahdır (17)

    • Müqəddəs bəndələr padşahlığı alacaq (18)

    • «On buynuz» (24)

7  Babil padşahı Bəlşəzzarın+ hakimiyyətinin birinci ilində Dənyal yatağında yuxu və röyalar gördü.+ O, gördüyü yuxunu yazdı;+ hər şeyi bir-bir qələmə aldı.  Dənyal nəql etdi: «Mən gecə röyalarında göylərin dörd küləyinin böyük dənizi çalxaladığını gördüm.+  Dənizdən bir-birindən fərqli dörd nəhəng heyvan+ çıxdı.  Birincisi şirə oxşayırdı,+ onun qartal qanadları var idi.+ Mən durub baxarkən onun qanadları qoparıldı. Sonra o, yerdən qaldırılıb insan kimi iki ayağı üstə qoyuldu və ona insan ürəyi verildi.  Sonra başqa bir heyvan, ayıya oxşar+ ikinci heyvanı gördüm. Onun bir yanı yuxarı qalxmışdı. Ağzında, dişləri arasında üç qabırğa var idi. Ona deyildi: “Qalx, çoxlu ət ye”.+  Bundan sonra mən baxıb başqa bir heyvan, bəbirə oxşar+ üçüncü heyvanı gördüm. Onun belində quş qanadına bənzər dörd qanad var idi. Heyvanın dörd başı vardı;+ ona hakimiyyət verildi.  Sonra mən gecə röyalarında dördüncü heyvanı gördüm. O, qorxunc və zəhmli idi, fövqəl gücə malik heyvan idi, onun iri dəmir dişləri vardı. O, hər şeyi udub yeyir, əzir, qalıqları isə ayağı ilə tapdalayırdı.+ O, özündən əvvəlki heyvanlardan fərqlənirdi və onun on buynuzu vardı.  Mən buynuzlara baxırdım, birdən gördüm ki, onların arasında balaca bir buynuz çıxdı+ və əvvəlki buynuzlardan üçü onun önündən qoparıldı. Bu buynuzun insan gözünə bənzər gözləri, həmçinin dikbaş-dikbaş danışan ağzı vardı.+  Mən durub baxırdım və gördüm ki, taxtlar qoyuldu, Əzəldən Var Olan+ əyləşdi+. Onun libası qartək bəyaz+, saçı yuntək ağappaq idi. Taxtı alov dilləri, taxtın çarxları yanar od+ idi. 10  Onun önündən odlu çay çıxıb axırdı.+ Minlərlə minlər Ona xidmət edir, on minlərlə on minlər hüzurunda dururdu.+ Məhkəmə+ başladı, kitablar açıldı. 11  Mən durub baxırdım, buynuz lovğa sözlər danışırdı.+ Axırda gördüm ki, heyvan öldürüldü, leşi odda yandırılıb məhv edildi. 12  Digər heyvanlara+ gəlincə, hakimiyyət onların əlindən alındı və onların ömrü müəyyən müddətə uzadıldı. 13  Bu gecə röyalarında gördüm ki, insan oğluna+ bənzər bir nəfər göylərin buludları ilə gəlir. O, Əzəldən Var Olanın+ hüzuruna buraxıldı və Onun yanına gətirildi. 14  Ona hakimiyyət+, şərəf+ və padşahlıq verildi ki, ümmətlər, xalqlar və bütün dillərə mənsub olanlar ona qulluq etsin.+ Onun hakimiyyəti sona yetməyəcək əbədi hakimiyyətdir, padşahlığı əsla dağılmayacaq.+ 15  Mən Dənyalın ruhu sıxıldı, çünki gördüyüm röyalar məni qorxutmuşdu.+ 16  Gördüklərimin mənasını soruşmaq üçün orada duranlardan birinə yaxınlaşdım. O, mənə cavab verib bunların mənasını açdı. 17  “Dörd nəhəng heyvan+ yerdən qalxacaq dörd padşahdır.+ 18  Lakin padşahlığı+ Haqq-Taalanın müqəddəs bəndələri+ alacaq, onlar bu padşahlığa+ əbədi sahib olacaqlar. Bəli, əbədiyyən, sonsuzadək”. 19  Sonra digər heyvanlardan fərqlənən dördüncü heyvan haqqında bilmək istədim. O, çox qorxunc idi, dişləri dəmirdən, caynaqları misdən idi. O, hər şeyi udub yeyir, əzir, qalıqları isə ayağı ilə tapdalayırdı.+ 20  Başında on buynuz+ vardı, sonradan biri də çıxdı və onun önündən üç buynuz qoparıldı.+ Onun gözləri və dikbaş-dikbaş danışan ağzı vardı, o, digərlərindən iri görünürdü. 21  Sonra gördüm ki, bu buynuz müqəddəs bəndələrlə döyüşdü və onları üstələməyə başladı.+ 22  Bu zaman Əzəldən Var Olan+ gəldi və Haqq-Taalanın müqəddəs bəndələrinin+ xeyrinə hökm çıxarıldı. Beləcə, müqəddəs bəndələrin padşahlığa sahib olmaq vaxtı yetişdi.+ 23  O, belə dedi: “Dördüncü heyvana gəlincə, o, dünyada peyda olacaq dördüncü padşahlıqdır. Bu padşahlıq digər padşahlıqların hamısından fərqlənəcək. O, bütün yer üzünü udub yeyəcək, tapdalayıb əzəcək.+ 24  On buynuz isə bu padşahlıqdan çıxacaq on padşahdır. Onlardan sonra başqa biri qalxacaq və əvvəlkilərdən fərqli olacaq. O, üç padşahı alçaldacaq.+ 25  Haqq-Taalaya qarşı danışacaq+ və Haqq-Taalanın müqəddəs bəndələrini dinc qoymayacaq. O, dövrləri və qanunu dəyişmək niyyətinə düşəcək və onlar dövr, dövrlər və yarım dövr*+ müddətinə onun ixtiyarına veriləcək. 26  Məhkəmə başladı və onun hakimiyyətini əlindən aldılar ki, onu dağıdıb yerli-dibli məhv etsinlər.+ 27  Padşahlıq, hakimiyyət və göylər altında olan səltənətlərin cah-calalı Haqq-Taalanın müqəddəslərinə+, Onun xalqına veriləcək. Onların padşahlığı əbədi padşahlıqdır,+ bütün hökmdarlar onlara qulluq edib boyun əyəcək”. 28  Hekayət burada sona yetir. Mən Dənyalı isə fikirlərim elə təşvişə salmışdı ki, rəngim ağarmışdı. Amma mən gördüklərimi ürəyimdə saxladım».

Haşiyələr

Yəni üç dövr yarım.